اسلام آباد۔(پاکستان نیوزپوائنٹ 16اگست 2016ء) وزیراعلیٰ بلوچستان نا سلاہکار اطلاعات سردار رضا محمد پارینے کہ مچ آ پاکستان آن بلوچستان آ بروک آ چناک آجوئی نا شئیر خلسا کوئٹہ نا شہید آتے خراج تحسین پیش کرینو۔ ریڈیو پاکستان تون ہیت وگپ کرسا اوپارے کہ نن کوئٹہ نا شہید آتے وخت اس ہم است آن دپنہ ۔ اوپارے کہ جشن آجوئی نا وخت آ مچ آ پاکستان آن بلوچستان آ بروک آ چناک وطن نا آجوئی نا شئیر ءِ خلسا کوئٹہ سانحہ نا شہید آتے خراج تحسین پیش کرینو۔
اوپارے کہ پاکستان نا الس وطن تون والہانہ مابت و پیار کیرہ۔ اوپارے کہ مقبوضہ کشمیر اٹی ہم کشمیریک پاکستان نا آجوئی دے انا وخت آ پاکستانی بیرک ءِ دوٹی ہرفسا اوڑتون مابت نا درشانی ءِ کرینو۔ اوپار ے کہ 70می آجوئی دے انا وخت آ پاکستان داہیت انا اعادہ ءِ کرینے کہ پاکستان کشمیری تا حق خودارادیت ناپبی مخ تفی ءِ برجاء تخک۔
