اسلام آباد (پاکستان نیوزپوائنٹ 16اگست 2016ء) تشدد حراستی مرک و حراستی زِنا (انسداد و سزا) بل 2015ء قومی اسمبلی ٹی پیش کننگا ہرادے ڈپٹی اسپیکر تعلقدار قائمہ کمیٹی نا حوالہ کرے۔ سے شنبے آ نفیسہ عنایت اللہ خٹک تحریک پیش کرے کہ تشدد حراستی مرک و حراستی زِنا(انسداد و سزا) بل 2015ء سینیٹ نا منظور کروک دروشم اٹی زہر غور ہتنگے۔ بنجائی وزیر زاہد حامد بل انا مخالفت ءِ کتو۔
اوسلاہ تس کہ بل ءِ کمیٹی نا حوالہ کننگے۔ نفیسہ عنایت اللہ خٹک پارے کہ دابل انامنظوری آن جیل اٹی بندی تے رکھ ملک۔ ڈاکٹر شیریں مزاری پارے کہ دال بل آ ایوان اٹی ووٹنگ کرفنگے۔ بنجائی وزیر زاہد حامد پارے کہ کمیٹی ٹی بل ءِ پین گچین جوڑ کننگ مریک۔ ڈپٹی اسپیکر پارے کہ قاعدہ 148 نا رداٹ بل ءِ کمیٹی نا حوالہ کننگ مریک۔ ڈاکٹر شیریں مزاری پارے کہ عزت نا پن آ خون بل و زِنا بالجبر بل آتیامبار دابل ہم تعطل نا گواچی مریک ، ڈپٹی اسپیکر بنجائی وزیر زاہد حامد نادرخواست آ بل ءِ کمیٹی نا حوالہ کرے۔
