طبی مشورہ و ایلو خذمات بل 2016ء قومی اسمبلی ٹی پیش

اسلام آباد(پاکستان نیوزپوائنٹ 16اگست 2016ء) طبی مشورہ و ایلو خذمات (فیس آتامعقول جوڑ کننگ) بل 2016ء ءِ قومی اسمبلی ٹی پیش کننگا ہرادے مستی کارروائی کن تعلقدار قائمہ کمیٹی نا حوالہ کننگا۔ سے شنبے آ ڈاکٹر نگہت شکیل خان تحریک پیش کرے کہ طبی مشورہ و ایلو خذمات (فیس آتا معقول جوڑ کننگ) بل 2016ء ءِ پیش کننگ نا موکل تننگے۔ اونا پارلیمانی سیکرٹری ڈاکٹر درشن مخالفت ءِ کتو۔ ڈاکٹر نگہت شکیل خان پارے کہ ڈاکٹر آتا زیات فیس تا سوب آن جان جوڑی نا آسراتی لس بندغ نا رسینگ اسکان مر مسنو۔ دامعاملہ ءِ ریگولرائز کننگ نا گرج ءِ۔ ایوان آن تحریک نا منظوری آن گڈ ڈاکٹر نگہت شکیل خان بل ءِ ایوان اٹی پیش کرے۔