اسلام آباد(پاکستان نیوزپوائنٹ 16اگست 2016ء) وزیراعظم محمد نواز شریف واپڈا ءِ بجلی نا پیداواراٹی ودکی و سیلاب نا توننگ کن مچ آملک اٹی آبی کوڑی تا جوڑ جاڑ ءِ ترند کننگ نا پارت کرینے۔ وزیراعظم سے شنبے آ وزیراعظم ہاؤس اٹی چیئرمین واپڈا ظفر محمود تون اوڑدہی ٹی پارت کرے کہ تعلقدار شونداری ڈٹ آتیا کاریم ءِ ترند کننگے و پن بجلی نا زیات پیداوار نا گمان آتے پین پٹنگے۔
وزیراعظم پارے کہ واپڈا ءِ ملک اٹی دیر و پن بجلی نا وسیلہ غاتا شون اکن مستعدی اٹ کاریم کننگ نا گرج ءِ۔ اوپارے کہ نن ہڑزان و سگ انا قابل بجلی ودی کننگ تون اوار اوار بروک آ وخت آتیٹی خاص کر شدید آبی چیلنج آتون مون تننگ نا پیش نظر آبی کاختی نا ویل ءِ مر کننگ نا مقصد تخنہ۔ وزیراعظم پارے کہ ہڑزان و صاف ستھری بجلی نا پیداوار آن نہ صرف صارف آتے آسراتی ملک بلکن آبی کوڑی نا جوڑ جاڑآن ملک ءِ تینا آبی گرج آتے پورو کننگ اٹی ہم کمک رسینگک۔ چیئرمین واپڈا وزیراعظم ءِ ملک اٹی پن بجلی نا جتا جاری ڈٹ آتیا پیش رفت نا بارواٹی معلومدار کرے۔
