اسلام آباد (پاکستان نیوزپوائنٹ 15 اگست2016ء) مزن وزیر محمد نواز شریف ءِ چیر دستی ءَ مزن تک ءِ دیوان ءِ تہ ءَ بارڈر مینجمنٹ ءَ را شر تر جوڑ کنگ ءُُ تہی سلامتی ءَ را جوانتر جوڑ کنگ ءِ ھاترا سول آرمڈ فورسز ءِ 29 نوکیں شاھ جوڑ کنگ ءِ پیسلہ کنگ بوت۔ دیوان ءِ تہ ءَ سرکاری کارندہ ءُُ اُردی رھشون ھم ھوار اَتنت ایشی ءِ تہ ءَ ھواریں رنگ ءَ پُترگ ءِ راھ آنی سلامتی ءِ جاور آل آنی چار ءُُ تپاسگری کنگ بوت۔
دو شمبے ءِ روچ ءَ مزن گس ءِ بیان ءِ رد ءَ دیوان ءِ تہ ءَ پیسلہ کنگ بوت کہ قومی سلامتی ءِ مشیر جنرل (ر) ناصر خان جنجوعہ نیشنل ایکشن پلان ءِ سر ءَ کار کنگ ءِ کمیٹی ءِ سربراہ بیت ایشی ءِ ایندگہ باسک آنی تہ ءَ سیکرٹری تہی کار ، ڈائریکٹر جنرل نیشنل کاؤنٹر ٹیرر ازم اتھارٹی، صوبائی سیکرٹریز، انسپکٹر جنرلز آف پولیس، ہوم سیکرٹریز ئُُمزن وزیر گس ءِ ایڈیشنل سیکرٹری ھوار اَنت۔
