بنجائی دارالحکومت نا سول عدالت آتیٹی اینخوسال مارچ اسکان 6361 مقدمہ غاتے چٹفنگا، 1775 زیر التواء

بنجائی دارالحکومت نا سول عدالت آتیٹی اینخوسال مارچ اسکان 6361 مقدمہ غاتے چٹفنگا، 1775 زیر التواء

اسلام آباد (پاکستان نیوزپوائنٹ 15 اگست2016ء) بنجائی دارالحکومت اسلام آباد نا 8 سول عدالت آتیٹی 1775 مقدمہ غاک زیر التواء ءُ وخت اس کہ اینخو سال مارچ انا تُو اسکان 6361مقدمہ غاتے چٹفنگانے۔ اے پی پی ءِ دستیاب سرجم احوال آتا رداٹ سال 2013ء ٹی 3782 پوسکن ءُ مقدمہ دائر کننگا ہنداوڑ 2014ء ٹی 2068 ، 2015ء ٹی 3872 و اینخو سال انا اولیکو مسہ تو انا وخت آ 363 مقدمہ دائر کننگا وخت اس کہ 2013ء نا بناء ٹی 995 مسکوہی مقدمہ غاک زیرالتواء ئسر۔

فیملی کورٹس 2013ء ٹی 4272، 2014ء ٹی 1965، 2015ء ٹی 3286و اینخو سال انا اولیکو مسہ تو انا وخت آ 281 مقدمہ غاتے چٹفے۔ دستاویز آتا رداٹ ماتحت عدالت آتیٹی آسراتی و اسٹاف نا کمتی و فیملی کورٹس انا فیصلہ غاتیا بروخت عملدرآمد مفننگ نا سوب مقدمہ غاک زیرالتواء نا گواچی مننگ ءُ حکومت جی ٹین اٹی پوسکن ءُ کورٹس کمپلیکس اسے نا پڑو ءِ کرینے ہرانا سوب پوسکنا عدالت آک ، ججز آتا چیمبرز و سائلین آتے غٹ آسراتی فراوان کننگک ۔