سی پیک و بنداوی ڈھانچہ نا شون نا بھلا ڈٹ آتیان 2018 ء اسکان ملک اٹی سیمنٹ نا صنعت و پیداواری استطاعت 96درسد اسکان رسینگک، رپورٹ

اسلام آباد (پاکستان نیوزپوائنٹ 15 اگست2016ء) چین پاکستان اقتصادی راہداری ڈٹ (سی پیک ) و بنداوی ڈھانچہ نا شون اکن بناء کروک آ بھلاڈٹ آتا سوب 2018 ء اسکان ملک اٹی سیمنٹ نا صنعت نا پیداواری استطاعت 96درسد اسکان رسینگک۔ آل پاکستان سیمنٹ مینو فیکچرز ایسوسی ایشن (اے پی سی ایم اے) نا رپورٹ نا رداٹ 2018 ء اسکان سیمنٹ نا ساڑی آ ملکی پیداوار آن42درسد زیات پیداوار دوئی کننگک ہرا 19 ملین ٹن انا بریبر مریک۔ رپورٹ نا رداٹ بھلا شونداری ڈٹ آتا سوب آن سیمنٹ نا کھپت اٹی دے پہ دے ودکی مننگ ءِ و مالی سال 2017 ء آن 2020 ء اسکان سیمنٹ نا ملکی صنعت نا پیداوار اٹی سالانہ 192 ارب روپئی اسکان نا ودکی نا اومیت ارے۔