چنکا عئید انا نوک ءِ ہُننگ کن بنجائی رویت ہلال کمیٹی نا دیوان یک شنبے نا دے آ پشاور اٹی مریک، وزارت مذہبی امور

اسلام آباد(پاکستان نیوزپوائنٹ 21جون2017ء) چنکا عئید انا نوک ءِ ہُننگ کن بنجائی رویت ہلال کمیٹی نا دیوان یک شنبے نادے آ پشاور اٹی مریک۔ دیوان نا کماشی ءِ بنجائی رویت ہلال کمیٹی نا چیئرمین مفتی منیب الرحمان کیک۔ وزارت مذہبی امور نا رداٹ مچ آ ملک اٹی ضلعی و ذونل کمیٹی تا دیوان تینا تینا تعلقدار ہند آتیا مریک وخت اس کہ بنجائی رویت ہلال کمیٹی نا دیوان ایڈمنسٹریٹر آف اوقاف نا دفتراٹی یک شنبے نادے 25جون انا شام آ دیگر نا نما زآن پد بٹنگ انگانے۔ داکان بیدس نوک رویت نا بابت شہادت آتے جمع کننگ کن کنٹرول روم اس ہم اڈتننگانے۔ نوک انا بابت آن پڑو بنجائی رویت ہلال کمیٹی نا چیئرمین مفتی منیب الرحمان مچ آ ملک آن ملوک آ شہادت آتے مون آ تخسا کیک۔