وزیراعظم محمد نواز شریف جوڈیشل اکیڈمی آ سرمننگ آ پارٹی کارندہ غاتے خنا تو دوتے سرفے، شہباز شریف و حسین نواز اوڑتون اوار ئسر

اسلام آباد(پاکستان نیوزپوائنٹ 15جون2017ء) وزیراعظم محمد نواز شریف پانامہ کیس انا جاست وپاست کن سپریم کورٹ نا پارت آ جوڑ کروک آ اسیجائی جاست وپاستی ٹیم انا مون آ پیش مننگ کن جوڈیشل اکیڈمی آ سرمس تو وزیراعلیٰ پنجاب شہباز شریف و وزیراعظم نا مار حسین نواز ہم اوڑتون اوار ئسر۔ وزیراعظم اکیڈمی آ سرمننگ آ ہموڑے یکجہتی نا درشانی کن جمع مروک آ پارٹی کارندہ غاتے خنا تو دوتے سرفے۔ وزیراعظم نا اِرا مار مست آن ہی جے آئی ٹی نا مون آ تینا بیان آتے ریکارڈ کرفینو۔ جوڈیشل اکیڈمی ٹی بننگ نا وخت آ مسلم لیگ (ن) نا کارندہ غاک بھلو کچ اسے ٹی ساڑی ئسر۔ جوڈیشل اکیڈمی نا ایب وکیب سیکورٹی نا سخت بست و بند کننگاسس۔