اسلام آباد(پاکستان نیوزپوائنٹ 10جون2017ء) بنجائی وزیر خزانہ سینیٹر اسحاق ڈار پارینے کہ بنجائی حکومت بروک آ مالی سال 2017-18ء نا بجٹ ءِ گڈیکو دروشم تننگ نامرحلہ غاتیان گدرینگ انگ ءِ ہراٹی خیبرپختونخوا تون اوار مچ آ ملک انا الس ءِ آسودہی تا فراوانی کن ہروڑنا گام گیج آک اوار ءُ۔ ہفتہ نا دے خیبر پختونخواہ نا وزیر آبپاشی سکندرشیر پاؤ داڑے وزارت خزانہ اسلام آباد اٹی بنجائی وزیر خزانہ سینیٹر اسحاق ڈار تون اوڑدہی کرے۔
داوخت آ خیبرپختونخوا ٹی پیہور بڑزکو کہول انا کینال ودیکی پروجیکٹ تون اوار چندی ڈٹ آتا فنانسنگ آن تعلقدار معاملہ غاتیا خیال آتا درشانی ءِ کننگا۔ دا ڈٹ اکن ایشیائی شونداری بینک اتون کڑز اکن معاہدہ غا دستخط مسنے، بنجائی حکومت ہم داڈٹ اکن مالی کمک کننگ ءِ۔
