اسلام آباد(پاکستان نیوزپوائنٹ 10جون2017ء) لندن اسکول آف اکنامکس نا طالب علم آک پاکستان اٹی وزیراعظم محمد نواز شریف نا کنڈآن جاری قومی جان جوڑی پروگرام نا ستاءِ کرینو ۔اوتینا تاثرآتیٹی قومی جان جوڑی پروگرام ءِ وزیراعظم محمد نواز شریف ن اہم ءُ گام اس گوندانو۔ طالب علم آک پاکستانی الس ءِ جان جوڑی نا دا شاندار گام آ مبارکبادی تسنو و دا پروگرام ءِ اسہ بھاز بھلو سرسہبی اس گوندانو۔
وزیراعظم محمد نواز شریف نا قومی جان جوڑی پروگرام نا جہانی کہول آ ہم امناءِ کننگ انگ ءِ ، داپروگرام نا رداٹ حقدار بندغ آتے درمان کن 50 ہزار آن دونیم لکھ روپئی تننگ انگ ءِ۔ یات سلے کہ وزیراعظم محمد نواز شریف پاکستانی الس ءِ جان جوڑی نا آسراتی فراوان کننگ کن دے و نن کوشست کننگ ءِ۔ وزیراعظم محمد نواز شریف مست ہم پارینے کہ داسہ دا نوبت بفک کہ اسہ نیزگار اس تینا درمان کن تینا اُراناگڑاتے سوداکے۔
