اسلام آباد (پاکستان نیوزپوائنٹ 10اگست 2016ء) وزیر داخلہ چوہدری نثارعلی خان پارینے پارینے کہ کوئٹہ ٹی پیش بروک آ واقعہ بے کچ دلخراش و قابل مذمت ءِ ، قومی سلامتی نا بابت دیوان جاری ءِ ہرانا ایسری آ ایوان ءِ سرجم احوال آتیان معلومدار کیوہ واہم دہشت گردی نا واقعہ غاتیٹی پدریسہ کمتی مننگ ءِ ، اینخو سال اولیکو ہشت تُو اٹی کل 181 واقعہ پیش بسنو۔
نن او واقعہ غاتے صفر اسکان ہتنگ خوانہ ، سیکورٹی ادارہ و انٹیلی ایجنسی تا بابت ایوان اٹی مروک آ تقریر قابل مذمت ءِ ، اگہ او ایجنسی تا کڑد انا داخہ در خلاف ءِ تو اونا توار را و ایلو غیر ملکی ایجنسی تا برخلاف ہم بایدے چست مروسس، داوخت سیکورٹی ادارہ و انٹیلی ایجنسی تتون سلنگ نا ءِ ، دہشت گردی نا برخلاف نن فیصلہ کن مرحلہ ٹی پترینگانن ، اگہ ننا اتفاق و اتحاد ہنداوڑ قائم سلیس تو نن سرسہبی آن ہمکنار مرینہ ۔
چارشنبے آقومی اسمبلی نا دیوان اٹی درشانِ خیال کرسا وزیرداخلہ چوہدری نثارعلی خان پار ے کہ وزیراعظم نا کماشی ٹی دیوان اٹی تدوک آ دے فیصلہ کننگاسس کہ اینو دا بابت آن اسہ دیوان اس مس ہرادے برجاء تخنگ نا فیصلہ کننگا۔ دا دیوان پنچ شنبے آ ہم مریک و اوٹی ہرچار آ صوبائی وزیراعلیٰ تے ہم مدعو کننگک۔ ای دیوان نا فیصلہ غاتا بابت ایوان ءِ معلومدار کروئی ئس ولے دیوان جاری ءِ ۔
ہراتم اسکان فیصلہ اس مفک گڑاس پاننگ وخت آن مست مریک واہم دیوا ن اٹی دابابت پورو اتفاق رائے خننگاکہ دونیم سال اٹی سیکورٹی ٹی گچینی بسنے۔ اوپارے کہ کنا ایوان غٹ تقریر آتے کشبو ہبو ہرافتے ٹی ای ہمیش اللہ تعالیٰ نا مہربانی آن گڈ مچ آ قوم انا اتحاد و اتفاق ءِ اہمیت تسونٹ ۔ ای اولیکو وار دا ایوان اٹی آصف علی زرداری نا صفت ءِ ہم کریٹ ۔ اوپارے کہ ریکارڈ نا رداٹ پاکستان اٹی پنچ آن شش دھماکہ ہردے مسکہ۔
2009-10 ء بدترین سال ئس ہراٹی ہزار دہشت گردی نا واقعہ غاک مسر۔ اسلام آباد ہم رکھوک ہلوکہ۔ میریٹ واقعہ ٹی سفارتکار ہم خلنگا۔ گورنر پنجاب ہم خلنگا۔ جی ایچ کیو آ جلہو مس ہرا 36 گھنٹہ برجاسلیس۔ نیول و دفاعی تنصیبات آتیا جلہو مس۔ اوپارے کہ ای پاپرہ کہ کل ٹھیک مسنو ، مہالو دھماکہ متوکہ تو خبر جوڑ مسکہ۔ اینو دھماکہ اس مریک تو خبر جوڑ مریک۔ اوپارے کہ داساحالیت آک جتا ءُ۔
داکل سول ملٹری اتحاد نا بدولت مسنے۔ نن عسکریت پسند آتون مذکرات نا کمک اٹ امن نا ہیت و گپ نا بناءِ کرین ہرانا تائید داوخت انا آرمی چیف، پیپلز پارٹی ، پی ٹی آئی و ایلو جماعت آک نن تون تفیر نن است انا ھب اٹ مذاکرات کرین اوکان گڈ صفاءُ بدلی اس بس۔ اپریل 2014ء آن جون اسکان مسہ اہم دیوان مس ہراٹی سول ملٹری ہیت وگپ برجاسلیس۔ ہرادے کراچی بالی پٹ آ جلہو مس وزیراعظم ہمودے پارے کہ بھاز مس داسا ننے ایلو آپشن ءِ ہم کاریم اٹ اتوئی مریک۔
اصولی وڑاٹ مئی ٹی دا فیصلہ مس و 14جون آ پورو سول ملٹری اتفاق رائے مس۔ تحریک انصاف نا گڑتیک ئسر ، ای پی ٹی آئی و جماعت اسلامی نا مون آ ریکار ڈ ءِ پیش کریٹ اوکان گڈ اونا پاننگ ئس کہ ملٹری آپریشن نا او مخالفت ءِ کپسہ۔اینخو سال اولیکو ہشت تو اٹی داوخت اسکان 181 واقعہ پیش بسر ۔ مسکوہی سال دہشت گردی نا 477 واقعہ غاک پیش بسر۔ نن او واقعہ غاتا کچ ءِ صفر اسکان ہتنگ خوانہ ۔
اوٹی ننا فوج ، انٹیلی جنس ایجنسی و پولیس نا بھلو اہم ءُ کڑد اسے ۔، دا ننا مجاہد آک ءُ اوفتے کل قوم انا مخ تفی دوئی ءِ۔ نیشنل ایکشن پلان ءِ جوڑ مننگ نا یکونیم سال مسنے۔ ای اسہ صوبائی حکومت اسے آہم تنقید کتوٹ۔ اوپارے کہ اِرا وار نیشنل ایکشن پلان آ قومی اسمبلی و سینیٹ ءِ بریفنگ تسونٹ ، پین وخت اس تننگ کن تیاراُٹ۔ اونا کریڈٹ ءِ ہمیش داایوان ءِ تسونٹ۔ نن فیصلہ کن مرحلہ ٹی اُن اگہ ننا اتفاق و اتحاد قائم سلیس تو سرسہبی ننا مزل جوڑ مریک۔ بنجائی حکومت وخت اس ہم کریڈٹ ہلتو۔ اوپارے کہ فوجی عدالت آک مسلم لیگ (ن) سیاسی مخالفین تے کن آخا دہشت گرد آتے کن جوڑ کریسن۔ اوپارے کہ قومی سلامتی نا بابت جاری دیوان نا ایسرآ ایوان ءِ بریفنگ ایتیوہ۔
