اسلام آباد (پاکستان نیوزپوائنٹ 10اگست 2016ء) کیپٹن محمد صفدر بنجائی صدر پاکستان مسلم لیگ نواز یوتھ ونگ وزیراعظم پاکستان میاں محمد نواز شریف نا پارت آ اسلام آباد یوتھ ونگ نا بست و بندی و ہڑدڑی بنداو تیا تنظیم سازی پورو کننگ و زوت آن زوت بنجائی سروک ءِ دابارواٹی رپورٹ پیش کننگ کن سید حسن ظفر ءِ خصوصی واک و کلہو آتے جاری کرسا اسلام آباد نا ہڑتوم آ حلقہ NA-48و NA-49 کن کوارڈینیٹر نا نوٹیفیکیشن جاری کرینے۔
بنجائی صدر یوتھ ونگ کیپٹن محمد صفدر اومیت ظاہر کرے کہ سید حسن ظفر ہرا پاکستان نا عظیم جمہوری راہشون سید ظفرعلی شاہ ایڈووکیٹ نا مارءِ او دا پت آ پورو سلک و اسلام آباد اٹی یوتھ ونگ نا تنظیم سازی ، یوتھ انا بست وبندی ڈھانچہ و یوتھ نا ویل آتے زوت آن زوت ایسری اسکان سرکیک و قائد الس وزیراعظم پاکستان میاں محمد نواز شریف نا فلاسفی ءِ عملی جامہ اس بیرفنگ کن دے و نن ءِ اسٹ کیک ہراٹی خاص کر پاکستان نا شون ، سالمیت و پاکستان نا یوتھ نا بابت اونا گزارشات آک سرفہرست ءُ داوخت آ کوارڈینیٹر یوتھ ونگ اسلام آباد سید حسن ظفر وزیراعظم پاکستان میاں محمد نواز شریف کیپٹن محمد صفدر و مریم نواز و ایلو راہشون آتا منت واری ءِ ادا کرے و باوری ترفے کہ ہرازمہ واری اودے تننگانے او وزیراعظم پاکستان نا وژن ، بنجائی صدر یوتھ ونگ نا پت آ تینا باوہ ہمہ جہت شخصیت سید ظفر شاہ ایڈووکیٹ نا نقش قدم آ چلینگسا اسلام آباد نا یوتھ ونگ انا انتظامی ڈھانچہ و تنظیم سازی ءِ پور و کننگ اٹی ہچ ءُ دقیقہ فروگزاشت اس کپک۔
