لورالائی (پاکستان نیوزپوائنٹ 10اگست 2016ء) پشتونخواہ ملی عوامی پارٹی نا بنجائی سیکرٹری و سلاہکار جنگلات و حیوانات عبیداللہ جان بابت پارینے کہ مسکوہی الیکشن اٹی الس پارٹی آ پبی پت انا درشانی ءِ کرے ہرافتے وخت اس ہم ٹھیس تفننگک ، کارندہ غاک پارٹی نا میراث آک ءُ اوفتا قربانی تا نتیجہ اینونن دا اسٹیج آ رسینگانن۔ صوبائی حکومت لورالائی شار انا شون اکن 80 کروڑ روپئی تسنے وخت اس کہ خلقی آ علاقہ غاتے کن 25 کروڑ جتا کرینے۔
داخیال آتا درشانی ءِ او لورالائی ٹی بابو انور کدیزئی نا دے انا ارغ آن ترا ن کرسا کرے۔ داوخت آ پارٹی نا صوبائی راہشون سردار اشرف خان کاکڑ ، چیئرمین میونسپل کمیٹی نعمت اللہ جلالزئی ، کونسلر فدائی و ایلوک ہم ساڑی ئسر۔ اوپارے کہ صوبائی حکومت نا کوشست آتیان لورالائی ٹی یونیورسٹی ، میڈیکل کالج و ڈی ایچ کیو ہسپتال ءِ ٹیچنگ نا درجہ و منظوری مس وخت اس کہ 7 مڈل اسکول آتے ہائی نا درجہ ، سد آ پرائمری اسکول آتے اپ گریڈیشن وخت اس کہ ہر خلق اٹی پرائمری اسکول کرفے، اوپارے کہ شیر جان کڈی ندی آ 50 کروڑ آن زیات زرآن ڈیم جوڑ جاڑ کننگک، لورالائی ٹی بنجر ڈغار تے سیراب کننگ کن ہژدہ ہزار بلڈوز ر گھنٹہ چلیفنگا ہراکہ صوبہ ٹی اسہ ریکارڈ اسے ، اوپارے کہ پارٹی نا کارندہ غاک شونداری ڈٹ آتے زیات آن زیات تشہیر کننگ کن مہم چلیفیر، اوپارے کہ میڈیکل کالج مارچ اٹی شروع کننگ انگ ءِ الس ءِ تعلیم ، جان جوڑی و دیر انا فراوانی اولین اولیت ءِ شار و مضافات اٹی کروڑ آ روپئی نا ڈٹ آتیان دیر انا فراوانی نا چرجوئی نا بناءِ کرینن اومستی پارے کہ الس نا مون آ جوابدہ اُٹ و تینے ہرفورم آ احتساب کن پیش کیوہ۔
