بنجائی وزیر ڈٹ بندی ، شون و اصلاحات احسن اقبال نا پاک اوغان سنٹرل ایشین ریپبلکن سٹیٹس ٹریڈ ایگزیبیشن سمٹ آن تران

بنجائی وزیر ڈٹ بندی ، شون و اصلاحات احسن اقبال نا پاک اوغان سنٹرل ایشین ریپبلکن سٹیٹس ٹریڈ ایگزیبیشن سمٹ آن تران

اسلام آباد (پاکستان نیوزپوائنٹ 10اگست 2016ء) بنجائی وزیر ڈٹ بندی ، شون و اصلاحات احسن اقبال پارینے کہ علاقائی کمکاری معاشی شون انا اہم ءُ تمبہ اسے ، ملکی شون اکن نجی بشخ ءِ بروئی مریک، حکومت نا کاریم اڑاند آتے مرکروئی ءِ۔ پاکستان داساسوگوی نا کسر آ روان ءِ ، تینا گل زمین ءِ پین اسے ملک اسینا برخلاف کاریم اٹ ہتنگ نا موکل تفنہ، سیاسی نزوری ناسوب پاکستان نیامی ایشیاتون واپاری تعلقداری تے ودفنگ اٹی سرسہب مننگ کتو، پاکستان داسا مون آ بروک آ واک جوڑ مننگ ءِ و دا شون ءِ زائل مننگ کن ہلیپنہ۔

چارشنبے آ داخیال آتا درشانی ءِ او پاک اوغان سنٹرل ایشین ریپبلکن سٹیٹس ٹریڈ ایگزیبیشن اینڈ سمٹ آن تران کرسا کرے۔ بنجائی وزیر پارے کہ ساڑی آ دوراٹی ہموملک زیات جوان پاننگک ہرا نا معاشی حالیت آک سوگو ءُ، معاشی پٹ اٹی اصلاحات آتا بدولت جہانی دنیا ٹی پاکستان نا پوزیشن جوان مسنے، حکومت نا پورو توجوہ معیشت نا گچینی آٹی ءِ۔ اوپارے کہ پاکستان و اوغانستان نا نیام اٹ بے شمار اسیجائی روایت ءُ ، پاکستانی و اوغانی تا تول و بش نا عادت آک اسہ وڑءُ، پاکستان اوغانستان نا کسرنیامی ایشیا اسکان واپاری سرجزآتا بناءِ کننگ خواہک، پاکستان اوغانستان نیامی ایشیا و چین اکن معاشی بنجاثابت مننگ کیک۔

اوپارے کہ کوئٹہ واقعہ آن گڈ ہوشیار مروئی مریک و دننگا سازش آتے بے سہب جوڑ کننگ کن اتحادنا درشانی ءِ کروئی مریک و تینا سیوت و سخا ءِ پوروی وڑاٹ قائم تخوئی مریک، انتہاء پسندی نا چٹفنگ نا کوشست آک برجاء سلرہ۔ اوپارے کہ سی پیک و پاک اوغان سنٹرل ایشین ریپبلکن سٹیٹس ٹریڈ ایگزیبیشن اینڈ سمٹ آن علاقائی کمکاری و واپاری سرجزااتے مون آ دننگ اٹی کمک رسینگک۔

اوپارے کہ کاسا 1000 و تاپی کون آ انفراسٹرکچر ڈٹ آک جاری ءُ، وسیلہ غاتا تناسب آن علاقائی واپاری سرجزآتے مون آ دننگ پننگ ءِ ، اگہ انفراسٹرکچر نا ویل ایسر مرے تو واپاری سرجزآتے پین مون آ دننگ مریک، اوپارے کہ انتظامی بشخ اٹی ہم پین گام گیج کننگ نا گرج ءِ۔ اوپارے کہ نیامی ایشیا و پاکسانی واپاری ادارہ غاتا نیام اٹ رابطہ غاتے گچین جوڑ کننگ نا گرج ءِ ، داساوخت بسنے کہ ہراتم نالج آن ایکشن نا کنڈ بننگے، ملک ءِ شون تروئی ءِ تو برآمدات آتے مون آدروئی مریک جہانی منڈی تیٹی کمتی نا رجحان ءِ ۔

اوپارے کہ ننے علاقائی کمکاری ءِ مون آدروئی مریک ، ننے تینا مصنوعات آتے نیامی ایشیانا منڈی تسکان دروئی مریک ۔ اوپارے کہ دنیا نا پاکستان نا بارواٹی سوچ بدل مسنے۔ اسہ سوج اسے نا ورندی ٹی بنجائی وزیر پارے کہ گوادر نا بندرگاہ مچ آ نیامی ایشیاء کن پرکشش ءِ ، کوئٹہ نا واقعہ قابل مذمت ءِ ، ننے حوصلہ ءِ ہلوئی اف دژمن داوڑ جلہو کرسا کیک، ملک اٹی امن و ایمنی نا حالیت آک گچین مننگ ءُ۔ اوپارے کہ سی پیک نا دژمن تے شکست ترسا اودے حقیقت اس جوڑکینہ۔ اوپارے کہ چین نا تہہ ٹی ڈٹ داخہ ترندی اٹ پایہ تکمیل آ سرمفننگ ءِ ہراترندی اٹ او پاکستان اٹی پورو مننگ ءِ۔