اسلام آباد(پاکستان نیوزپوائنٹ 19مئ2017ء) تخفیف سلہہ و جوہری سلہہ غاتا عدم پھیلاؤ نا معاملہ غاتا بابت پاکستان و فرانس نا ہڑتوم آکنڈآتا دیوان جمعہ نا دے داڑے اڈ ہلک۔ وزارت خارجہ امور اٹی اسسٹنٹ سیکرٹری آف اسٹیٹ اسٹریٹجک امور، سیکورٹی و تخفیف سلہہ نکولس روشی فرانسیسی ڈل وخت اس کہ ایڈیشنل سیکرٹری (یو این ویور پین کمیشن) تسنیم اسلم پاکستان ڈل انا سروکی ءِ کرے۔
دفترخارجہ نا ترجمان نا رداٹ دیوان اٹی کڑدہ غاک کثیرالجہتی تخفیف سلہہ مشینری ، جہانی تخفیف سلہہ مذاکرات اٹی ساڑی آ رجحان و جہانی کہول آ اسٹریٹجک سوگوی ءِ ودوک آ خلیس آتا بابت کیہی معاملہ غاتیا سرجم و جوڑ جاڑی خیال آتا درشانی ءِ کننگا۔ ایڈیشنل سیکرٹری تسنیم اسلم فرانسیسی ڈل ءِ سویلی ایشیاٹی اسٹریٹجک چاگڑد نا بارواٹی پاکستانی جاچ انا بابت بریفنگ تس۔ داوخت آ پاکستانی ڈل ایٹمی ٹیکنالوجی نا پرامن کاریم اٹ اتنگ اٹی کمکاری نا ممکنات آتیٹی است خواہی و نیو کلیئر سپلائرز گروپ اٹی پاکستان نا رکنیت کن فرانس آن مخ تفی نا درشانی ءِ کرے۔
