کوئٹہ (پاکستان نیوزپوائنٹ 10اگست 2016ء) وزیراعلیٰ بلوچستان نواب ثناء اللہ خان زہری پارینے کہ داجنگ غٹ انا جنگ ءِ وکلاء سول سوسائٹی و صحافی تے یکجا مرسا حالیت آتا مقابلہ و دہشت گردی نا خاتمہ ءِ کروئی مریک، دہشت گرد آتے ہچ ءُ دروشم اسے ٹی بشخپنہ ۔ داخیال آتا درشانی ءِ او چارشنبے آ نجی ٹی وی نا کیمرہ مین شہزاد خان نا خاہوت تون ہڑزخواہی کرسا کرے۔
وزیراعلیٰ بلوچستان سانحہ کوئٹہ ٹی شہید مروک آ نجی ٹی وی نا کیمرہ مین شہزاد خان نا اُرا غا ہنا ہراڑے او اونا خاہوت تون ہڑزخواہی نا درشانی و روح انا ثواب کن فاتحہ خوانی کرے، داوخت آ وزیراعلیٰ بلوچستان پارے کہ اودے دہشت گردی نا واقعہ غاتیٹی تینا دوست آتا ہلنگ نا غم انا احساس ارے انتئے کہ او ہم دہشت گردی نا برخلاف جنگ اٹی تینا مار و ایلم نا قربانی ءِ تسنے ، وزیراعلیٰ بلوچستان پارے کہ دا جنگ غٹ انا جنگ ءِ وکلاء سول سوسائٹی و صحافی تے یکجا مرسا حالیت آتا مقابلہ و دہشت گردی نا خاتمہ ءِ کروئی مریک، دہشت گرد آتے ہچ ءُ دروشم اسے ٹی بشخپنہ ، اوپارے کہ نن فیصلہ کرینن کہ صوبہ ٹی دہشت گردآک یا پرامن پسند خلقت آک رہینگرہ ، وزیراعلیٰ بلوچستان کیمرہ مین شہزاد خان نا اُرائی و ایلم ءِ ملازمت تننگ نا پڑو ءِ کرے ۔
