کراچی (پاکستان نیوزپوائنٹ 10اگست 2016ء) پاکستان پیپلز پارٹی سندھ کوآرڈینیشن کمیٹی نا سروک و وزیر خور و پارلیمانی امور نثاراحمد کھوڑو پارینے کہ وونٹ قومی امانت ءِ م، ملک اٹی جمہوری عمل نا سوگوی کن وونٹ فیصلہ کن حیثیت تخک۔ چارشنبے آ جاری بیان اٹی اوپارے کہ ووٹر لسٹ آتیٹی پن تا اندراج ءِ کرفنگ قومی فرض ءِ ۔ ہنداخاطران پارٹی کارندہ غاتے مرے کہ او داقومی فرض اٹی تینا پبی کڑد ءِ ادا کیر و 29 اگست اسکان تینا حلقہ غاتیٹی خلقت آتا ووٹرز لسٹ آتیٹی پن تا اندراج ءِ کرفیر۔
اوپارے کہ پیپلز پارٹی جمہوریت آ یخین تخک ہنداخاطران ووٹرلسٹ آتیٹی پن تے شاغفنگ ننا قومی زمہ واری ءِ ۔ اوپارے کہ پیپلزپارٹی نا مسکوہی عہدیدار، کارکنان، گچین مروک آ نمائندہ، لوکل گورنمنٹ نا پندار چیئرمین و وائس چیئرمین تے مرے کہ ووٹرز لسٹ آتیٹی پن تے داخل کرفنگ نا مرحلہ ٹی الس اٹی شعور بیدار کیر۔
