اسلام آباد (پاکستان نیوزپوائنٹ 10اگست 2016ء) پاکستان مسلم لیگ(ن) نا سینیٹر جاوید عباسی پارینے کہ مچ آ دنیا دہشت گردی نا برخلاف جنگ اٹی پاکستان نا کوشست آتے خراج تحسین پیش کننگ ءُ ۔ ریڈیو پاکستان تون ہیت وگپ کرسا اوپارے کہ کوئٹہ واقعہ نا اخس کہ مذمت ءِ کننگے کم ءِ۔ اوپارے کہ گڑاس شرپسند عنصر داوڑنا لغوری نا کارروائی تا کمک اٹ پاکستان ءِ نزور کننگ خوارہ و داوڑنا سرجزآتا کمک اٹ خلقت آتے خوفزدہ کننگ نا کوشست کننگ ءُ۔
اوپارے کہ ساڑی آ حکومت نا دہشت گردآتا برخلاف سنجیدہ گام گیج آتا سوب اوتینا مسخت آتیٹی سرسہب مفسہ۔ سینیٹر جاوید عباسی پارے کہ پاکستان مسلم لیگ (ن) نا حکومت پاک گل زمین آن دہشت گردی ءِ ماس آن کشنگ کن پرعزم ءِ و ننا سیکورٹی فورسز آک ملک آن دہشت گردی ءِ پوروی وڑاٹ ختم کیرہ۔ اوپارے کہ دہشت گردآتا برخلاف جاری آپریشن آن دہشت گرد آتامخ پنانے و بھا ز زوت پاکستان اسہ رکھوک و پرامن ملک اس جوڑ مرسا مون آ بریک۔
