حکومت و فوجی سروک آک ہر بہاآ ملک آن دہشت گردی نا لعنت نا ختم کننگ کن پرعزم ءُ، راجہ ظفرالحق

حکومت و فوجی سروک آک ہر بہاآ ملک آن دہشت گردی نا لعنت نا ختم کننگ کن پرعزم ءُ، راجہ ظفرالحق

اسلام آباد (پاکستان نیوزپوائنٹ 10اگست 2016ء) سینیٹر راجہ ظفرالحق پارینے کہ حکومت و فوجی سروک آک ہر بہاآ ملک آن دہشت گردی نا لعنت ءِ ختم کننگ کن پرعزم ءِ۔ ریڈیو پاکستان تون ہیت وگپ کرسا اوپارے کہ کوئٹہ سول ہسپتال اٹی بمب دھماکہ پشاوراٹی مروک آ اے پی ایس جلہو تون مماثلت تخک۔ بمب دھماکہ نا سختی اٹ مذمت ءِ کرسا اوپارے کہ داسانحہ غا مچ آ ملک ڈکھ و افسوزنا حالیت اٹی ءِ۔

راجہ ظفرالحق پارے کہ داواقعہ ٹی کیہی قیمتی جانک لقمہ اجل جوڑ مسنو۔ اوپارے کہ چیف آف آرمی اسٹاف شدت پسند آتا برخلاف کارروائی تے پین ترند کننگ نا پارت کرینے۔ اوپارے کہ سیکورٹی فورسزآک عسکریت پسند آتا برخلاف بے پرخ کارروائی تے برجاء تخانو و بھاز انگا دہشت گردآک سرسہب آپریشن ضرب عضب نا سوب آن نرانو ہرافتا پٹنگ و اوفتا ٹھکانہ غاتے بھس کننگ کن کارروائی کننگ انگ ءِ۔ سینیٹر راجہ ظفرالحق پارے کہ حکومت و فوجی سروک آتے ہر بہاآ ملک آن دہشت گردی نا لعنت ءِ ختم کننگ کن پین گام گیج کننگ ءُ۔