کوئٹہ (پاکستان نیوزپوائنٹ 10اگست 2016ء) جی او سی 33ڈویژن بلوچستان میجر جنرل اظہر حیات خان پارینے کہ بلوچستان اٹی پاک چین اقتصادی راہداری ڈٹ انا بروخت پوروی کن فول پروف سیکورٹی نا بست و بند پاک فوج انا ورناک فرنٹیئر کور تون اواری اٹ سرانجام ایترہ پاک چین اقتصادی راہداری آن گوادر پورٹ فعال وخت اس کہ زرکاری و پوسکنا صنعت آتا اڈتننگ آن بے روزگاری نا کچ اٹی کمتی و شون و شونہالی بریک۔
داخیال آتا درشانی ءِ او سی پیک نا سیکورٹی نا بابت اڈ ہلوک سیمینار آن تران کرسا کرے۔ میجر جنرل اظہر حیات خان پارے کہ بلوچستان اٹی امن نا بحالی کن فرنٹیئر کور و کانود نافذ کروک آ ادارہ غاتا ورناک ہراقربانی تے تسنو او ناقابل فراموش ءُ و دارداٹ پرامن و شونہال و شون ہلوک بلوچستان نا اڈ تننگ کن پاک فوج فرنٹیئر کور و پولیس نا ورناتا قربانی تے سنہرے حرف اٹی نوشتہ کننگک داوخت آ مسکوہی اسپیکر بلوچستان اسمبلی محمد اسلم بھوتانی ، چائنہ پاور جنریشن کمپنی نا سی ای او مسٹر ژاؤ ، سی ایلیو سڑلی یانگ، فرنٹیئر کورحب انا کمانڈنٹ آفیسر کرنل اظہر محمود، ڈپٹی کمشنر لسبیلہ سید ذوالفقار شاہ، چیئرمین ضلعی کونسل لسبیلہ شیخ غلام اکبر، حبکو پاور کمپنی نا سینئر نائب صدر طاہر جاوید و ایلوفک ہم ساڑی ئسر۔
میجر جنرل اظہر حیات خان پارے کہ ننا دوست ملک چین 46ارب ڈالرز نا عظیم ڈٹ پاک چائنہ اقتصادی راہداری نا بناءِ کرسا سنگتی نا حق ءِ ادا کرینے تو نناہم فرض مریک کہ تینا ملک انا شون و شونہالی نا داسفر اٹی ہمسایہ ملک چین تون پبی کمک کین اوپارے کہ حبکو کول پاور پلانٹ چائنہ پاور جنریشن کمپنی نا بابت حب انا شرفمند و السی سروک آتا ویل و گڑتی تے اواری اٹ تولسا گچین وڑاٹ پاک فوج ایسر کرفک و دارادٹ ہندی شاری تا حق انارکھ ءِ باوری جوڑ کننگک۔
