کوئٹہ (پاکستان نیوزپوائنٹ 10اگست 2016ء) وزیر مملکت برائے پٹرولیم و قدرتی وسیلہ جام کمال خان پارینے کہ پاک چین اقتصادی راہداری ڈٹ اکن افرادی واک انا فراوانی نا ورناتے کسبی تعلیم نا فراوانی المی ءِ انتئے کہ نن تون تربیت یافتہ افرادی واک انا کمتی ءِ ، پاک چین اقتصادی راہداری ڈٹ انا کمک اٹ گوادر آن کاشغر اسکان واپار ءِ مون آ دننگ بلوچستان اٹی روڈ، شاہراہ و بنداوی ڈھانچہ غاتا ڈٹ آتون اوار اوار بجلی و توانائی نا ڈٹ آتیان صوبہ نا مر مر انگا و پسماندہ علاقہ غاتیٹی روزگار و نیزگاری نا چٹفنگ اٹی کمک رسینگک۔
داخیال آتا درشانی ءِ او تینا دورہ کوئٹہ نا وخت آ صحافی تا اسہ ڈل اسے تون ہیت وگپ کرسا کرے۔ وزیر مملکت برائے پٹرولیم و قدرتی وسیلہ جام کمال خان پارے کہ پاک چین اقتصادی راہداری ڈٹ آتا بدولت بلوچستان اٹی انفراسٹرکچر ڈویلپمنٹ بھاز زیات مریک او انفراسٹرکچر ڈویلپمنٹ بلوچستان ناخلقت آتے شون نا وارخواہی ہیتک 46ارب ڈالر نا اقتصادی راہداری نا ڈٹ بھاز زیات اہمیت تخک ہرانا بھرم تیان حقی وڑاٹ استفادہ دوئی کننگ کن حکومت غٹ بشخ آتیٹی جامع حکمت عملی واضع کرینے اوپارے کہ بلوچستان معدنی دولت نا مالا مال صوبہ ءِ و داسا 18می ترمیم آن گڈ معدنیات آتا بشخ صوبائی حکومت آتون بسنے ہنداخاطران قدرتی وسیلہ غاتے سہی کاریم اٹ ہتنگ نا گرج ءِ وخت اس کہ سی پیک و گوادر اٹی صنعت آتا مون آ دننگ آن ہندی خلقت آک اقلیت اٹی بدل مفسہ۔
