اسلام آباد (پاکستان نیوز پوائنٹ 09 اگست2016ء) سانحہ کوئٹہ ٹی دہشت گردی نا نشانہ جوڑ مروک آ زہمی و اوفتا خاہوت آتون یکجہتی نا درشان و اوفتا دلجوئی کن چیف آف دی نیول اسٹاف ایڈمرل محمد ذکاء اللہ سی ایم ایچ ہسپتال کوئٹہ نا دورہ ءِ کرے۔ سانحہ کوئٹہ نا زہمی تتون ہمدردی نا درشانی و یکجہتی کرسا نیول چیف پارے کہ داظالمانہ کشت و خون ہراٹی معصوم و کودک شاری تے نشانہ جوڑ کننگا نے ہرانا اخس کہ مذمت ءِ کننگے کم ءِ۔
اوداعزم انا درشانی ءِ کرے کہ پاکستان نیوی نا آفیسرز ، سی پی اوز/ سیلرز و سویلینز ڈکھ انا داساہت اٹی قوم خاص کر غمزدہ خاہوت آتا شانہ بشانہ سلوک ءُ۔ نیول چیف وزیراعلیٰ بلوچستان نواب ثناء اللہ خان زہری و کمانڈر سدرن کمانڈ لیفٹیننٹ جنرل عامر ریاض تون ہم اوڑدہی کرے و داخون آ شام سانحہ غا ڈکھ و غم نا درشانی ءِ کرے۔