بہادر سلہہ بند فوج اسٹ اسے ہم دہشت گردی نا برخلاف سرسہبی تا کسر اٹی اڑاند شاغنگ کن ہلیپسہ، انسداد دہشت گردی کن گچین کارروائی تے کن صوبائی کانود نافذ کروک آ ادارہ غاتا تربیت م، وسیلہ و ڈٹ بندی نا کمک اٹ اوفتا کاریم نا کچ ءِ ودفنگ کن پورو کمک کننگے، چیف آف آرمی اسٹاف جنرل راحیل شریف نا کور کمانڈرز کانفرنس آن تران پاک فوج انا کمانڈر ز و انٹیلی جنس ادارہ غاتے دہشت گرد و سلیپرز سیلز ءِ ختم کننگ کن پبی واک اتون کومبنگ آپریشن و ٹارگٹڈ آپریشن ءِ پین ترند کننگ نا پارت

بہادر سلہہ بند فوج اسٹ اسے ہم دہشت گردی نا برخلاف سرسہبی تا کسر اٹی اڑاند شاغنگ کن ہلیپسہ، انسداد دہشت گردی کن گچین کارروائی تے کن صوبائی کانود نافذ کروک آ ادارہ غاتا تربیت م، وسیلہ و ڈٹ بندی نا کمک اٹ اوفتا کاریم نا کچ ءِ ودفنگ کن پورو کمک کننگے، چیف آف آرمی اسٹاف جنرل راحیل شریف نا کور کمانڈرز کانفرنس آن تران پاک فوج انا کمانڈر ز و انٹیلی جنس ادارہ غاتے دہشت گرد و سلیپرز سیلز ءِ ختم کننگ کن پبی واک اتون کومبنگ آپریشن و ٹارگٹڈ آپریشن ءِ پین ترند کننگ نا پارت

راولپنڈی (پاکستان نیوز پوائنٹ 09 اگست2016ء) بری فوج انا سروک جنرل راحیل شریف کمانڈرز و انٹیلی جنس ادارہ غاتے دہشت گرد و سلیپرز سیل ءِ ختم کننگ کن پبی واک اتون کومبنگ آپریشن و ٹارگٹڈ آپریشن ءِ پین ترند کننگ نا پارت ترسا پارینے کہ بہادر سلہہ بند فوج اسٹ اسے ہم دہشت گردی نا برخلاف سرسہبی تا کسر اٹی اڑاند شاغنگ کن ہلیپسہ۔ او سے شنبے آ جی ایچ کیو راولپنڈی کورکمانڈر کانفرنس آن تران کریکہ۔

پاک فوج انا شعبہ تعلقات عامہ (آئی ایس پی آر) نا رداٹ آرمی چیف جنرل راحیل شریف نا کماشی ٹی اڈ ہلوک آ کورکمانڈر کانفرنس اٹی شریک مروک آتے غٹ کورکمانڈرز و پرنسپل اسٹاف آفیسرز آک شرکت کریر۔ کانفرنس نا شریک مروک آک سانحہ کوئٹہ ٹی شہید و ٹھپی مروک آ بندغ آتا خاہوت آتون ہمدردی نا درشانی ءِ کریر۔ کانفرنس نا شریک مروک آتے انسداد دہشت گردی کن جاری فوجی آپریشن، ملک انا جمی داخلی و خارجی سلامتی ناحالیت آتیا سرجم احوال تننگا۔

آرمی چیف جنرل راحیل شریف پارے کہ ملک اٹی عدلیہ و ہسپتال آ کروک آ لغوری انگا دہشت گردی نا جلہو آپریشن ضرب عضب نا سرسہبی تے نزور کننگ نا اسہ کوشست اسے۔ اوزورشاغاکہ ننا دلیر سلہہ بند فوج دہشت گردی نا برخلاف دوئی مروک آ سرسہبی تا فائدہ غاتے لتاڑنگ کن ہلیپنہ۔ اوکمانڈرو انٹیلی جنس ادارہ غاتے پارت کرے کہ دہشت گرد و سلیپر سیل ءِ پورو واک اتون ختم کننگ کن موثر کومبنگ آپریشن و ٹارگٹڈ آپریشن ءِ ترند کیر۔ آرمی چیف کمانڈر زآتے پین پارت تس کہ انسداد دہشت گردی کن موثر کارروائی تے کن صوبائی کانود نافذ کروک آ ادارہ غاتا تربیت، وسیلہ و ڈٹ بندی نا کمک اٹ اوفتا کاریم نا کچ ءِ ودفنگ کن پورو کمک کننگے۔