اسلام آباد (پاکستان نیوز پوائنٹ 09 اگست2016ء) مزن وزیر محمد نواز شریف ءَ گوشت کہ ناشرکار جمہوریت ءِ کونڈگ آنی سر ءَ اُرش کنگ ءَ آں، ناشرکاری ءِ ھلاپ ءَ سرجمیں راج بیم ءِ آماچ اِنت ءُُ ناشرکاری ءِ ھلاسی ءِ ھاترا آپریشن ضرب ءِ عضب ءُُ قومی ایکشن پلان المی اَنت۔ سئے شمبے ءَ مزن وزیر گس ءَ عوامی نیشنل پارٹی ءِ قومی اسمبلی ءِ باسک حاجی غلام احمد بلور ءَ گوں گند ءُُ نند ءَ تران کنان ءَ گوشت۔
مزن وزیر محمد نواز شریف ءَ گوشت کہ کوئٹہ ءَ ناشرکاری اُرش ءَ چہ گپ ساپ ءُُ سلہ اِنت کہ آ اے ملک ءِ ادارگ آنی سر ءَ کینگ دارنت۔ آ وتی سِلئیں لیکہ آنی سبب ء َ مئے چاگرد ءِ سر ءَ اُرش کنگ ءَ اَنت۔پدا ھم ناشرکاری ءِ ھلاس کنگ ءِ واستہ مئے جتگیں گام آپریشن ضرب ءِ عضب ءُُ قومی ایکشن پلان اِچ رنگ ءَ واتر نہ بنت۔ مزن وزیر ءَ گوشت کہ پاکستان ءِ مھکمی، اقتصادی رنگ ءَ برجا اِنت ءُُ سیاسی رنگ ءَ جوانیں ملکے ءِ درور ءَ دیم ءَ جُنزان اِنت۔ گند ءُُ نند ءِ تہ ءَ ایندگہ کار ءُُ سیاسی جاور اٰل آنی سر ءَ ھم ھیال ریچی کنگ بوت۔
