ننے یکجا مرسا دہشت گردی نا مقابلہ ءِ کروئی ءِ ، داوخت سیکورٹی ادارہ غاتا بارواٹی منفی بیان تننگ نا اف، سینیٹر مشاہداللہ نا پارلیمنٹ ہاؤس اٹی میڈیا تون ہیت وگپ

اسلام آباد (پاکستان نیوز پوائنٹ 09 اگست2016ء) مسلم لیگ (ن) نا راہشون سینیٹر مشاہداللہ پارینے کہ ننے یکجا مرسا دہشت گردی نا مقابلہ ءِ کروئی ءِ ، داوخت سیکورٹی ادارہ غاتا بارواٹی منفی بیان تننگ نا اف۔ سے شنبے آ پارلیمنٹ ہاؤس اٹی میڈیا تون ہیت وگپ اوپارے کہ محمود خان اچکزئی سینئر پارلیمنٹرین اسے ایجنسی تا ڈیوالائی نا بارواٹی اسمبلی ٹی اونا بیان نا بارواٹی کنے سمااف۔

داوخت قوم و حکومت تون اوار غٹ سیاسی سرکڑدہ غاتے یکجا مرسا دہشت گرد آتا برخلاف صف آراء مننگ نا وخت ءِ۔ اوپارے کہ اختلاف رائے جمہوری حق ءِ ولے داوخت ننے اختلافات آتے اسہ پلو تخسا دہشت گرد آتا مقابلہ ءِ کروئی مریک۔ اگہ نن اسہ ایلو آ دوتے بڑزاکینہ تو دہشت گرد آتا مسخت آتے سوگوی ملک داوخت اسہ ایلو نا اختلافات آتے ختم کننگ و قوم ءِ یکجا کننگ نا ءِ۔