فرانس نا کوئٹہ ٹی دہشت گرد جلہو نا مذمت ، فرانسیسی صدر فرنکوس اولاندے نا پاکستانی الس تون پورو یکجہتی نا درشان

اسلام آباد (پاکستان نیوز پوائنٹ 09 اگست2016ء) فرانس کوئٹہ ٹی مروک آ دہشت گرد جلہو نا مذمت ءِ کرینے ہراٹی 70 بندغ تپاخت و 100 آن زیات ٹھپی مسنو۔ سے شنبے آ فرانسیسی صدر فرنکوس اولاندے تینا اسہ بیان اسے ٹی پاکستانی الس تون پورو یکجہتی نا درشانی ءِ کرینے ۔ فرانس نا وزارت خارجہ و بین الاقوامی امور نا نائب ترجمان اسہ بیان اسے ٹی پارے کہ فرانس کوئٹہ سول ہسپتال آ لغوری آ جلہو نامذمت ءِ کیک و نن زہمی خاہوت آتون ہڑزخواہی نا درشانی ءِ کینہ۔