اسلام آباد (پاکستان نیوز پوائنٹ 09 اگست2016ء) جمعیت علماء اسلام (ف) نا سروک مولانا فضل الرحمان پارینے کہ سانحہ کوئٹہ ننا خن تے ملنگ کن بھلو واقعہ اسے، زمہ وار آتا تعین ءِ ہردروشم اٹ کروئی مریک۔ سے شنبے آ پارلیمنٹ نا پیشن میڈیا تون ہیت وگپ کرسا مولانا فضل الرحمان پارے کہ ہردہشت گردی نا واقعہ غان گڈ دوبہ ”را“ غا بریک ولے سوج دادے کہ اونا کسر ءِ دیر تورک۔
قومی اسمبلی ٹی محمود خان اچکزئی نا بیان نا بارواٹی سوج آ مولانا فضل الرحمان پارے کہ محض بیان تننگ نا بناء آ نن بری الذمہ مننگ کپنہ، کوئٹہ ٹی بھلو واقعہ اس مسنے، حکومت ناکاریم ءِ کہ غٹ ءِ تولفے زمہ وارآتا تعین ءِ کے۔ اسہ پین سوج اسے نا ورندی ٹی اوپارے کہ دہشت گردی اسہ بھلو چیلنج اسے، حکومت ٹھوس حکمت عملی اس وضع کے و سیکورٹی نا بارواٹی خامی تا پیدواری ءِ کرسا اوفتے مر کننگ کن لائحہ عمل اس مرتب کے۔
