سانحہ کوئٹہ ٹی پاکستان مخالف قوت آک اوارو، دژمنک خواپسہ کہ اقتصادی راہداری ڈٹ ایسری آ سرمرے مسلم لیگ (ن) نا راہشون و قومی اسمبلی نا باسک جاوید لطیف نا میڈیا تون ہیت و گپ

اسلام آباد (پاکستان نیوز پوائنٹ 09 اگست2016ء) مسلم لیگ (ن) نا راہشون و قومی اسمبلی نا باسک جاوید لطیف پارینے کہ سانحہ کوئٹہ ٹی پاکستان مخالف قوت آک اوارو، دژمنک خواپسہ کہ اقتصادی راہداری ڈٹ ایسری آ سرمرے۔ او سے شنبے آ پارلیمنٹ ہاؤس نا پیشن میڈیا تون ہیت وگپ کریکہ۔ اوپارے کہ نن حالیت جنگ اٹی اُن، اسہ ایلو نا اختلافات آتا سوب پاکستان نزور مریک ، دہشت گردی نا برخلاف غٹ ءِ یکجا مرسا جنگ کننگ نا گرج ءِ۔ اوپارے کہ دہشت گردی نا برخلاف تروک آ قربانیک رائیگاں انپسہ۔ زندہ غا قومک ڈٹ کر دہشت گردی نا مقابلہ ءِ کیرہ نن ہم کینہ قوم دہشت گرد آتیان خوفزدہ مفس نروک آ دہشت گردآک آخریکو دم ءِ ہلنگ ءُ و زوت دہشت گرد آتے پوروی اٹ چٹفنگک۔