کوئٹہ ٹی دہشت گردی بے کچ اندوہناک واقعہ اسے، سدباب کن فیصلہ غاتیٹی الس ءِ اوار کروئی مرے پاکستان تحریک انصاف نا قومی اسمبلی نا باسک امجد علی خان نا سانحہ کوئٹہ غا شرہ نا بناءِ کرسا درشانِ خیال

اسلام آباد (پاکستان نیوز پوائنٹ 09 اگست2016ء) پاکستان تحریک انصاف نا قومی اسمبلی نا باسک امجد علی خان پارینے کہ کوئٹہ ٹی دہشت گردی بے کچ اندوہناک واقعہ اسے، دننگا واقعہ غاتا سدباب کن فیصلہ غاتے ٹی الس ءِ اوار کروئی مرے۔ سے شنبے آ قومی اسمبلی نا دیوان اٹی سانحہ کوئٹہ غاشرہ نا بناءِ کرسا پی ٹی آئی نا باسک امجد علی خان پارے کہ سانحہ کوئٹہ بے کچ اندوہناک واقعہ اسے، دننگا واقعہ غاتا سدباب کن فیصلہ غاتیٹی ہراوخت اسکان الس ءِ اوار کپنہ نن لاش تے چست کرسا کینہ۔ اوپارے کہ بھارت پاکستان اٹی ہراکارروائی تیٹی اوار ءِ اودے دنیا نا مون آ تالان کننگ ناگرج ءِ و نیشنل ایکشن پلان آ اے پی سی نا فیصلہ غاتارداٹ عملدرآمد ءِ باوری جوڑ کننگے۔