اسپیکر قومی اسمبلی نا وزیرتعلیم نا ایوان اٹی ساڑی مفننگ نا نوٹس وزیراعظم ءِ چھٹی اس لکھنگ نا پارت،وفاقی اردو یونیورسٹی نا استاد و عملہ نا پنداوڑی تا عدم ادائیگی نا بابت توجوہ ترفوک نوٹس موخر

اسپیکر قومی اسمبلی نا وزیرتعلیم نا ایوان اٹی ساڑی مفننگ نا نوٹس وزیراعظم ءِ چھٹی اس لکھنگ نا پارت،وفاقی اردو یونیورسٹی نا استاد و عملہ نا پنداوڑی تا عدم ادائیگی نا بابت توجوہ ترفوک نوٹس موخر

اسلام آباد (پاکستان نیوز پوائنٹ 09 اگست2016ء) اسپیکر قومی اسمبلی سردارایاز صادق وزیر تعلیم نا ایوان اٹی ساڑی مفننگ نا سخت نوٹس ءِ ہلسا وزیراعظم ءِ چھٹی اس لکھنگ نا پارت کرینے وخت اس کہ وفاقی اردو یونیورسٹی نا استاد و عملہ نا پنداوڑی تا عدم ادائیگی نا بابت توجوہ ترفوک نوٹس ءِ موخر کننگا۔ سے شنبے آ قومی اسمبلی نا دیوان اٹی جماعت اسلامی نا صاحبزادہ محمد یعقوب وفاقی اردو یونیورسٹی نا استاد و عملہ نا پنداوڑی تا عدم ادائیگی نا بابت توجوہ مبذول نوٹس ءِ پیش کننگ خوائسکہ ولے بنجائی وزیر شیخ آفتاب احمد پارے کہ تعلقدار وزیر داوخت ایوان اٹی ساڑی اف، توجوہ مبذول نوٹس ءِ زرس اسکان موخر کننگے۔

اوڑآ اسپیکر سردارایاز صادق برہمی نا درشانی ءِ کرسا پارے کہ پارلیمنٹ آن زیات ہچ ءُ گڑاس اہم اف۔ داڑآ بنجائی وزیر شیخ آفتاب احمد پارے کہ پارلیمانی پارٹی نا دیوان اٹی دابابت صاف ہیت کننگے۔ اوڑآ اسپیکر پارے کہ وزیراعظم ءِ دابابت نوشتہ کرسا گدریفنگے کہ وزیرآک ایوان اٹی ساڑی مفسہ۔ اوکان گڈ توجوہ مبذول نوٹس ءِ موخر کننگا۔