کل قوم عسکریت پسند آتا برخلاف جنگ اٹی متحدءُ، سینیٹر کلثوم پروین

اسلام آباد (پاکستان نیوز پوائنٹ 09 اگست2016ء) پاکستان مسلم لیگ (ن) نا سینیٹر کلثوم پروین پارینے کہ کل قوم عسکریت پسند آتا برخلاف جنگ اٹی متحد ءُ۔ ریڈیو پاکستان تون ہیت وگپ نا وخت آ اوکوئٹہ سول ہسپتال اٹی خودکش جلہو نا مذمت ءِ کرسا پارے کہ دہشت گرد آک اسہ وار ولدا بے گناہ خلقت آتے نشانہ جوڑ کرینو۔ اوپارے کہ دہشت گرد آک دا لغوری کارروائی تیان پاکستان ءِ نزور کننگ کپسہ۔ اوپارے کہ پاکستان مسلم لیگ (ن) نا حکومت ملک ءِ دہشت گردی آن پاک کننگ کن پرعزم ءِ۔ سینیٹر کلثوم پروین پارے کہ پاکستانی قوم بھاز بہادر ءِ و اودے لغوری سرجزآتیان ڈی ٹریک کننگ مفک ، دہشت گردی نا برخلاف جنگ اٹی کل قوم متحدءِ۔