اسلام آباد (پاکستان نیوز پوائنٹ 09 اگست2016ء) وزیراعظم محمد نواز شریف پارینے کہ دہشت گردآک جمہوریت نا تمبہ غاتیا جلہو کننگ ءُ واہم دہشت گردآتا برخلاف کل قوم انا عزم غیر متزلزل ءِ۔ سے شنبے آ داڑے وزیراعظم ہاؤس اٹی عوامی نیشنل پارٹی نا قومی اسمبلی نا باسک حاجی غلام احمد بلور تون اوڑدہی ٹی ہیت وگپ کرسا وزیراعظم محمد نواز شریف پارے کہ کوئٹہ ٹی دہشت گرد آتا جلہو آن داہیت پاش مریک کہ او ہر ہموادارہ غان نفرت کیرہ ہرا ننا سیاست نا المی جز ءِ۔
وزیراعظم پارے کہ تینا منحرف نظریہ غان ننا ریاست و راج ءِ نشانہ جوڑ کننگ خوارہ واہم دہشت گرد آتے سمامرے کہ بطور ریاست و بطور حکومت دہشت گردی نا چٹفنگ کن آپریشن ضرب عضب و قومی ایکشن پلان ناقابل واپسی ءِ۔ وزیراعظم پارے کہ پاکستان سوگو، اقتصادی وڑاٹ فعال و سیاسی وڑاٹ سوگو ملک اسے نا وڑاٹ مون آ ہِننگ ءِ ۔ اوڑدہی ٹی قومی اہمیت نا معاملہ و سیاسی حالیت آتیا درشانِ خیال کننگا۔
