وزیرءِ ھزانگ سینٹر اسحاق ڈار ءِ مالدیپ ءِ وزیرءِ ھزانگ احمد منور ءَ گوں گند ءُُ نند

یوکوہاما(پاکستان نیوزپوائنٹ 4مئ2017ء) بُنجاھی وزیرءِ ھزانگ سینیٹر اسحاق ڈار ءُُ مالدیپ ءِ وزیرءِ ھزانگ احمد منور ءِ نیام ءَ جاپان ءِ شہر یوکوہاما ءَ ایشیائی دیمروئی بینک ءِ بورڈ آف گورنر آنی 50پنجاھمی دیوان ءِ موہ ءَ گند ءُُ نند کنگ بوت۔ دوئیں رھشون آں اقتصادی دیمروئی ءُُ وت مہ وتی کمک ءَ را گیش ودینگ ءَ ھوار بازیں کار آنی سر ءَ ھیال ریچی کنگ بوت۔ بُنجاھی وزیر ءِ ھزانگ سینیٹر اسحاق ڈار ءَ پاکستان ءِ نیمگ ءَ مالدیپ ءِ اقتصادی دیمرئی ءِ رد ءَ کمک آنی پُجاری ءِ دلیکیمی دات۔ اے موہ ءِ سر ءَ مالدیپ ءِ وزیر ءِ ھزانگ احمد منور ءَ سینیٹر اسحاق ڈار ءَ را مالدیپ ءِ تر ءُُ تاب ءِ دعوت ھم دات۔