چیف آف آرمی اسٹاف جنرل راحیل شریف نا کوئٹہ ٹی دھماکہ آن گڈ سول ہسپتال،

بلوچستان ہائی کورٹ و سی ایم ایچ نا دورہ سول ہسپتال نا دورہ نا وخت آ جتا سیکشن آتیٹی دارودرمان مروک آ ٹھپی تا جان پڑسی ءِ کرے

چیف آف آرمی اسٹاف جنرل راحیل شریف نا کوئٹہ ٹی دھماکہ آن گڈ سول ہسپتال،
بلوچستان ہائی کورٹ و سی ایم ایچ نا دورہ سول ہسپتال نا دورہ نا وخت آ جتا سیکشن آتیٹی دارودرمان مروک آ ٹھپی تا جان پڑسی ءِ کرے

راولپنڈی (پاکستان نیوز پوائنٹ 08 اگست 2016ء) چیف آف آرمی اسٹاف جنرل راحیل شریف کوئٹہ نا بھلا ہسپتال اٹی دھماکہ آن گڈ دوشنبے آ سول ہسپتال ، بلوچستان ہائی کورٹ و سی ایم ایچ نا دورہ ءِ کرے۔ اوسول ہسپتال نا دورہ نا وخت آ جتا سیکشن آتیٹی دارودرمان مروک آ ٹھپی تا جان پڑسی ءِ کرے و کمامدار آتے پارت کرے کہ ہسپتال اٹی داخل ٹھپی تے گچین درمان تننگے۔

اوبلوچستان ہائی کورٹ نا ہم دورہ ءِ کرے و بلوچستان نا چیف جسٹس و پینل جج آتون ہڑزخواہی نا درشانی ءِ کرے۔ آئی ایس پی آر نا ڈائریکٹر جنرل لیفٹیننٹ جنرل عاصم سلیم باجوہ نا ٹویٹ نا رداٹ بعد ازاں بری فوج انا سروک سی ایم ایچ نا تفصیلی دورہ ءِ کرے ہراڑے چندی ٹھپی تے نازرک حالیت اٹی داخل کننگا۔ اوہسپتال نا جتا بلاکس آتا دورہ ءِ کرے و بمب دھماکہ نا ٹھپی تا جان جوڑی نا بارواٹی ہریفے۔

سدرن کمانڈ نا کمانڈر لیفٹیننٹ جنرل عامر ریاض ہسپتال آ بننگ آ بری فوج انا سروک ءِ بیا بخیر کرے۔ داکان مست لیفٹیننٹ جنرل عامر ریاض سول ہسپتال نا دورہ ءِ کرے و ہموڑے ریلیف سرجزآتا جاچ ءِ ہلک۔ کوئٹہ ٹی اے پی پی نا رپورٹر نا رداٹ سدرن کمانڈنا کمانڈر داوخت آ پارے کہ فوج و کانود نافذ کروک آ ادارہ غاک مشکل نا داساہت اٹی وکلاء برادری تتون تفوک ءُ۔ اوپارے کہ انتہاپسند نزور مسنو و فورسز آک ہر قیمت آ اوفتے شکست ایتک۔ اوپارے کہ بے گناہ شاری تے نشانہ جوڑ کننگ بے کچ افسوزناک ءِ ، دہشت گردآک غٹ قوم انا عزم ءِ نزور کننگ کپسہ۔