وزیر دفاع خواجہ آصف نا کوئٹہ نا سول ہسپتال اٹی دھماکہ و سم کاری نا واقعہ نا ترندی اٹ مذمت

اسلام آباد (پاکستان نیوز پوائنٹ 08 اگست 2016ء) وزیر دفاع خواجہ آصف کوئٹہ نا سول ہسپتال اٹی دھماکہ و سم کاری نا واقعہ نا ترندی اٹ مذمت ءِ کرینے ہرانا نتیجہ ٹی چندی بندغ آک تپاخت و ٹھپی مسنو۔ تینا بیان اٹی اوپارے کہ دہشت گردی نا دننگا لغوری نا گام آتیان ننا عزم ءِ نزور کننگ مفک ، دہشت گردی نا ہر دروشم اٹ قلع قمع کننگک خواہ او ہراکہ دروشم اٹ مرے۔ خواجہ آصف دعا کرے کہ اللہ تعالیٰ داواقعہ ٹی تپاخت کروک آتے جنت الفردوس اٹی جاگہ ایتے و اوفتا خاہوت آتے دا صدمہ ءِ برداشت کننگ نا توفیق عطاء فرمائفے۔ اوواقعہ ٹی ٹھپی مروک آتا زوت جان جوڑی کن دعا کرے۔