بنجائی وزیر عبدالقادر بلوچ نا کوئٹہ نا سول ہسپتال اٹی دھماکہ و سم کاری نا واقعہ نا ترندی اٹ مذمت

اسلام آباد (پاکستان نیوز پوائنٹ 08 اگست 2016ء) بنجائی وزیر سیفران لیفٹیننٹ جنرل (ر) عبدالقادر بلوچ کوئٹہ نا سول ہسپتال اٹی دھماکہ و سم کاری نا واقعہ نا ترندی اٹ مذمت ءِ کرینے۔ دوشنبے آ تینا ہڑزخواہی کلہو اٹی بنجائی وزیر داواقعہ ٹی قیمتی انسانی جان تا زیان آ ڈکھ و غم نا درشانی ءِ کرینے۔ بنجائی وزیر بلوچستان بارایسوسی ایشن نا صدر بلال انور کاسی ءِ شہید کننگ نا واقعہ نا ہم مذمت ءِ کرینے واہم سول ہسپتال نا دھماکہ ٹی آج نیوز و ڈان ٹی وی نا کیمرہ مین تا ٹھپی مننگ نا ہم سخت مذمت ءِ کرینے۔