داخلہ ڈویژن نا شونداری ڈٹ آتے کن 10 ارب 99 کروڑ روپئی آن زیات نا فنڈ جاری

اسلام آباد(پاکستان نیوز پوائنٹ 27اپریل2017ء) وزارت ڈٹ بندی و شونداری سرکاری بشخ انا شونداری پروگرام اٹی داخلہ ڈویژن نا شونداری ڈٹ آتے کن داوخت اسکان جم وڑاٹ 10 ارب 99 کروڑ روپئی آن زیات نا فنڈ جاری کرینے۔ حکومت دا ڈویژن نا شونداری ڈٹ آتے کن 11 ارب 70 کروڑ روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت فرنٹیئر کور بلوچستان نا کاریم نا کچ ءِ ودفنگ کن اسہ ارب، دیر اسکاؤٹس ثمر باغ اکن 15کروڑ، ٹل اسکاؤٹس اکن 15 کروڑ، شوال رائفلز رزمک اکن 15کروڑ، اسلام آباد اٹی ماڈل پولیس اسٹیشن کن 40 کروڑ، چین پاکستان اقتصادی راہداری نا اسپیشل سیکورٹی فورس اکن اسہ ارب 30 کروڑ، و ایف 16ٹی ماڈل جیل اکن 20 کروڑ تون اوار چندی شونداری ڈٹ آتے کن فنڈ جاری کرینے۔