صدر مملکت ممنون حسین نا کوئٹہ سول ہسپتال اٹی بمب دھماکہ نا ترندی اٹ مذمت ، افسوزناک واقعہ ٹی قیمتی جان تا زیان آ بے کچ ڈکھ و افسوز نا درشان

اسلام آباد (پاکستان نیوز پوائنٹ 08 اگست 2016ء) صدر مملکت ممنون حسین کوئٹہ سول ہسپتال اٹی بمب دھماکہ نا ترندی اٹ مذمت ءِ کرسا افسوز ناک واقعہ ٹی قیمتی جان تا زیان آ بے کچ ڈکھ و افسوز نا درشانی ءِ کرینے۔ صدر مملکت تپاخت کروک آ وکلاء، صحافی و ایلو بشخ آتیان تعلق تخوک آ خاہوت آتون ہڑزخواہی نا درشانی ءِ کرسا پارے کہ اللہ تعالیٰ تپاخت کروک آتا بخشش و اوفتا درجہ غاتے بڑزکے و خاہوت آتے صبر و جمیل کننگ نا توفیق عطاء فرمائفے۔

صدر مملکت انتظامیہ ءِ پارت کرے کہ حادثہ ٹی ٹھپی مروک آبندغ آتے درمان نا غٹ تر آسراتی مہیا کننگے۔ داوخت آ صدر مملکت پارے کہ دہشت گرد و اوچھے ہتھکنڈہ غاتیان دہشت گردی نا برخلاف نہ آپریشن ءِ توننگ کیرہ و نہ ہی السی حوصلہ غاتے پست کننگ کیرہ۔ صدر مملکت پارے کہ دہشت گرد آک پاکستان نا ہراکونہ ٹی ڈکوک مریر ، اوفتے تون آہنی دوتے اٹ مون تننگک۔