کوئٹہ سول ہسپتال اٹی خودکش دھماکہ و سم کاری نا نتیجہ ٹی میڈیا نا نمائندہ و وکیل آتون اوار 53بندغ تپاخت وخت اس کہ 56ٹھپی مسنو،

شہید مروک آتیٹی پاکستان نا سینئر وکیل بازمحمد کاکڑ، محمد داؤدکاسی وآج نیوز نا کیمرہ مین شہزاد احمد تون اوار پنی وکیل آک اوارو

کوئٹہ سول ہسپتال اٹی خودکش دھماکہ و سم کاری نا نتیجہ ٹی میڈیا نا نمائندہ و وکیل آتون اوار 53بندغ تپاخت وخت اس کہ 56ٹھپی مسنو،
 شہید مروک آتیٹی پاکستان نا سینئر وکیل بازمحمد کاکڑ، محمد داؤدکاسی وآج نیوز نا کیمرہ مین شہزاد احمد تون اوار پنی وکیل آک اوارو

کوئٹہ (پاکستان نیوز پوائنٹ 08 اگست 2016ء) کوئٹہ سول ہسپتال اٹی خود کش دھماکہ و سم کاری نا نتیجہ ٹی میڈیا نا نمائندہ و وکیل آتون اوار 53بندغ تپاخت وخت اس کہ 56ٹھپی مسنو۔ شہید مروک آتیٹی پاکستان نا سینئر وکیل باز محمد کاکڑ، محمد داؤد کاسی و آج نیوز نا کیمرہ مین شہزاد احمد تون اوار ایلو ہندی وکیل آک ہم اوارو۔ سرکاری ذرائع نا رداٹ خود کش دھماکہ سول ہسپتال نا ایمر جنسی وارڈ انا بنجائی درگہ غا ہمووخت اس مس ہراتم ٹارگٹ کلنگ اٹی تپاخت کروک آ بلوچستان ہائی کورٹ بار ایسوسی ایشن نا صدر بلال کاسی نا لاش ءِ ہتنگا دھماکہ نا وخت آ وکیل و میڈیا نا نمائندہ غاتون اوار ایلو سرکاری شخصیت آک ساڑی ئسر دھماکہ آن دمدستی گڈ شدید سم کاری نا چرجوئی نا بناء مس ہرانا نتیجہ ٹی ہسپتال اٹی ژامب و ژیمب اس تالان مس ۔

ٹھپی مروک آتے سی ایم ایچ و بی ایم سی ، ہسپتا ل آ گدریفنگا۔ تپاخت کروک آتیٹی سی ایم ایچ نا ذرائع 12بندغ نا تصدیق ءِ کرینے ہرافتے ٹی محمد اشرف ، حفیظ اللہ، وزیر، نوراللہ، نعمت اللہ، نثارکاکڑ، تیمور شاہ، نصیر احمد، بشراحمد، بازمحمد کاکڑو شہزاد اوارو جتا ہسپتال آتیٹی دوئی کروک آ حساب وکتاب نا رداٹ سول ہسپتال 37بندغ شہید مننگ و 10 ٹھپی مننگ نا تصدیق ءِ کرینے وخت اس کہ بی ایم سی کوئٹہ اسہ بندغ اسینا تپاخت و 10 بندغ نا ٹھپی مننگ نا تصدیق ءِ کرینے۔

سی ایم ایچ کوئٹہ 15بندغ نا شہیدی وخت اس کہ 35بندغ ٹھپی مننگ نا تصدیق ءِ کرینے ، ہنداوڑ نجی ہسپتال اسہ بندغ اسے نا ٹھپی مننگ نا تصدیق ءِ کرینے ہنداوڑ جمی وڑاٹ غٹ ہسپتال آک 53بندغ نا تپاخت وخت اس کہ 56بندغ نا ٹھپی مننگ نا تصدیق ءِ کرینو ایلو کنڈ واقعہ غان پد مشتعل بندغ آک برانز کرسا سول ہسپتال نا جتا بشخ آتیٹی پترینگسا توڑپھوڑ کریر ہرانا نتیجہ ٹی طبی آسراتی فراوانی نا گڑا و ایلو دفتری گڑاتے نسخان رسینگا ۔

واقعہ آن گڈ سیکورٹی فورسز آک علاقہ ءِ گھیڑ اٹی ہلسا مستی جاست وپاست نا بناءِ کرینو۔ پولیس نا رداٹ بمب دھماکہ ٹی 8کلو گرام دھماکہ خیز مواد کاریم اٹ ہتنگا ۔ جاگہ غان مبینہ خودکش جلہو گیر نا نک ہم ملانو واہم اونادرستی راستی مننگ کتو وخت اس کہ پین شواہد یکجا کننگ انگ ءِ۔