وزیراعلیٰ بلوچستان نواب ثناء اللہ خان زہری، مسکوہی وزیراعلیٰ بلوچستان ڈاکٹر عبدالمالک بلوچ و ایلوفتا کوئٹہ سول ہسپتال اٹی دھماکہ نا ترندانگا لوز آتیٹی مذمت

وزیراعلیٰ بلوچستان نواب ثناء اللہ خان زہری، مسکوہی وزیراعلیٰ بلوچستان ڈاکٹر عبدالمالک بلوچ و ایلوفتا کوئٹہ سول ہسپتال اٹی دھماکہ نا ترندانگا لوز آتیٹی مذمت

کوئٹہ (پاکستان نیوز پوائنٹ 08 اگست 2016ء) وزیراعلیٰ بلوچستان نواب ثناء اللہ خان زہری کوئٹہ سول ہسپتال بمب دھماکہ نا ترندی اٹ مذمت ءِ کرسا پارے کہ دہشت گردی نا تاریخ اٹی غٹ آن بھلا دہشت گردی ءِ ، واقعہ ٹی اوار دوبہ دارآتے دمدستی وڑاٹ دزگیر کننگک، صوبہ ٹی ہچ گہس ءِ امن ءِ خراب کننگ نا موکل تفنہ ، صوبہ ٹی مسہ دے ماتن نا پڑو ءِ کیوہ ، وزیراعلیٰ بلوچستان نواب ثناء اللہ خان زہری پارت کرسا پارے کہ ٹھپی مروک آتے دمدستی وڑاٹ طبی امداد تننگے۔

مسکوہی وزیراعلیٰ بلوچستان ڈاکٹر عبدالمالک بلوچ کوئٹہ دھماکہ نا ترند انگا لوز آتیٹی مذمت ءِ کرسا پارے کہ اینو بلوچستان نا سیاہ ترین انگا دے ءِ داواقعہ نا اخس کہ مذمت ءِ کننگے او کم ءِ ، دہشت گرد آک داسا آسان ہدف آتے نشانہ جوڑ کننگ ءُ ، ترجمان حکومت بلوچستان انوارالحق کاکڑ واقعہ نا سخت انگا لوز آتیٹی مذمت ءِ کرسا پارے کہ صوبہ ٹی دہشت گردی اسہ ناسور اسے اودے ماس آن کشسا خسوئی مریک ، اوپارے کہ صوبہ ٹی دہشت گردی نا برخلاف کننگ اُن انشاء اللہ صوبہ ٹی زوت امن و ایمنی اڈ ہلیک۔