کوئٹہ (پاکستان نیوز پوائنٹ 08 اگست 2016ء) کوئٹہ نا علاقہ منوجان روڈ آ نادرست موٹرسائیکل سوارآک سم کاری کرسا بلوچستان بار ایسوسی ایشن نا صدر نا خون ءِ کریر، دوبہ دار آک نرار۔ پولیس نارداٹ دوشنبے نا دے کوئٹہ نا علاقہ منوجان روڈ آ نادرست موٹرسائیکل سوارآک بلوچستان بارایسوسی ایشن نا صدر بلال کاسی ایڈووکیٹ ءِ ہمووخت آ سم کاری کرسا اونا خون ءِ کننگا ہراتم او اُراغان عدالت نا کنڈا ہناکہ دوبہ دارآک موقع واردات آن نرنگ اٹی سرسہب مسر، پولیس و سیکورٹی فورس آتے احوال ملنگ تون جاگہ غا سرمرسا لاش ءِ ہسپتال گدریفیر اونا پوسٹ مارٹم مسکہ کہ اناگت سول ہسپتال نا شعبہ حادثات نا مین درگہ غا اناگت اسہ زوردار دھماکہ اس مس ہرانا نتیجہ ٹی بھلو کچ اسے ٹی وکیل ، میڈیا و سول سوسائٹی نا خلقت آک ٹھپی و تپاخت کریر۔
داوخت اسکان احوال آتا رداٹ دھماکہ ٹی شہید مروک آ آج نیوز نا کیمرہ مین شہزاد خان تپاخت و ڈان نیوز نا کیمرہ مین تون اوار بھلو کچ اسے ٹی میڈیا و وکیل اوارو ، تپاخت کروک بندغ آتا کچ 30 وخت اس کہ 20 بندغ ٹھپی مسنو۔ ٹھپی مروک آتے کوئٹہ نا جتا ہسپتال آتیٹی طبی امداد کن گدریفنگانے ۔ دھماکہ آن گڈ سول ہسپتال اٹی افراتفری اس تالان مس و خلقت آتے ٹی خوف وخلیس اس تالان مس ، پولیس و سیکورٹی فورسز آک سول ہسپتال ءِ گھیڑ اٹی ہلسا مستی جاست و پاست نا بناءِ کرینو۔
