اسلام آباد(پاکستان نیوز پوائنٹ 21اپریل2017ء) صدر مملکت ممنون حسین پارینے کہ دہشت گردی نا ناسور تون مون تننگ کن پاکستان غٹ علاقائی و جہانی کوشست آتا مخ تفی ءِ کیک، دا چرجوئی ٹی پاکستان و سعودی عرب نا نیام اٹ خڑکی کمکاری ءِ ۔ صدر مملکت داہیت ءِ سعودی عرب کن پندار سفیر وائس ایڈمرل (ریٹائرڈ ) خام ہشام بن صدیق تون ہیت وگپ کرسا پارے ہراجمعہ نا دے ایوان صدر اٹی اوڑتون اوڑدہی کرے۔ صدر مملکت پندار سفیر ءِ پوسکن آ زمواری تا ملنگ آ مبارکبادی تس و اومیت ظاہر کرے کہ او تینا گچین لائخی تیان کاریم ہلسا ہڑتوم آ برادر ملک بے کچ خڑکی دوستانہ تعلقداری ٹی پین گہرائی و گرم جوشی ودی کیرہ۔
صدر مملکت ممنون حسین نا سعودی عرب کن پندار سفیر وائس ایڈمرل (ریٹائرڈ) خان ہشام بن صدیق تون ہیت وگپ
7 سال دیما