اسلام آباد(پاکستان نیوز پوائنٹ 17اپریل2017ء) سرکاری اسکیم نا رداٹ حج درخواست آتا وصولی ناعمل دوشنبے نا دے آن بناء کرینے۔ درخواست گزار تینا فارم ءِ ہندا توانا 26 تاریخ اسکان بینک آتا مقرر کروک آ شاخ تیٹی جمع کرفنگ کیرہ وخت اس کہ داتُو انا 28 تاریخ آ قرعہ اندازی مریک۔ وزارت مذہبی امور ناذرائع نا رداٹ درخواست آتے حبیب بینک لمیٹڈ، یونائیٹڈ بینک لمیٹڈ، نیشنل بینک آف پاکستان، مسلم کمرشل بینک ،الائیڈ بینک لمیٹڈ، زرعی ترقیاتی بینک لمیٹڈ، بینک آف پنجاب ،بینک الفلاح،میزان بینک و حبیب میٹرو بینک اناشاخ تیٹی جمع کرفنگ کیرہ۔
سرسہب درخواست گزار تے چھٹی و ایس ایم ایس نا کمک اٹ معلومدار کننگک ، سرسہب عازمین حج اناپن تا پڑو کن قرعہ اندازی نانتیجہ غاتے وزارت مذہبی امور نا ویب سائٹ www.mora.gov.pk و www.hajjinfo.orgآ ہم جاری کننگک۔
