اسلام آباد(پاکستان نیوز پوائنٹ 17اپریل2017ء) وزیراعظم محمدنواز شریف پارٹی راہشون آتون صلابت آن پد انجینئر امیر مقام ءِ پاکستان مسلم لیگ (ن) خیبر پختونخوا ناصدر و مرتضیٰ جاوید عباسی ءِ جنرل سیکرٹری مقرر کرینے ، صدر پاکستان مسلم لیگ (ن) وزیراعظم محمدنواز شریف نا سروکی ٹی خیبر پختونخوا نا سینئر لیگی راہشون آتا دیوان دوشنبے نا دے وزیراعظم ہاؤ س اٹی اڈ ہلک۔
وزیراعظم آفس آن جاری کروک بیان نا رداٹ وزیراعظم محمدنواز شریف و لیگی راہشونک داوخت آ مسکوہی صدر مسلم لیگ (ن) خیبر پختونخوا پیر صابر شاہ و مسکوہی جنرل سیکرٹری رحمت سلام خٹک ناپارٹی کن خذمت ، نظریاتی وابستگی و کوشست آتے زبردست خراج تحسین پیش کرے۔ وزیراعظم محمد نواز شریف داوخت آ اومیت ظاہر کرے کہ پوسکن آ مقرر کروک عہدیدارآک مسلم لیگ (ن) ءِ خیبر پختونخواٹی پین فعال و سوگو کننگ نا غرض آن غٹ تر لائخی تے کاریم اٹ اتیرہ و عہدیدار آک مسلم لیگ (ن) نا کارندہ غاتون اوار کارہ۔
وزیراعظم داوخت آ پارے کہ خیبر پختونخوا ہمیشہ آن مسلم لیگ (ن) نا گڑھ مسنے و انشاء اللہ بروک آ گچین کاری تیٹی ہم مسلم لیگ (ن) خیبر پختونخواٹی شاندار کاکڑد نشان ایتک۔ داوخت آ پوسکن آ صدر امیر مقام و جنرل سیکرٹری مرتضیٰ جاوید عباسی وزیراعظم و غٹ لیگی راہشون تے باوری ترفیر کہ او بروک آ گچین کاری تیٹی خیبر پختونخواٹی مسلم لیگ (ن) نا حکومت ءِ جوڑ کننگ اٹی تینا پبی کڑد ءِ ادا کیرہ و خیبر پختونخوا نا الس نامحرومی و غاو تا ازالہ ءِ کننگک۔
اومستی پاریر کہ مسلم لیگ (ن) خیبر پختونخوا نا الس ءِ مایوس کپک و دا چرجوئی ٹی زوت اسے اٹ غٹ ضلع غاتیٹی السی رابطہ مہم نا بناءِ کننگک۔ ایسر اٹی مسلم لیگ (ن) خیبر پختونخوا نا مسکوہی جنرل سیکرٹری رحمت سلام خٹک نا لمہ ایماندار ہراساڑی ہی ٹی کزیت کریسس اونا روح انا ثواب کن فاتحہ خوانی ہم کننگا۔ دیوان اٹی راجہ محمد ظفرالحق ، اقبال ظفر جھگڑا، خواجہ سعد رفیق، انجینئر امیر مقام ، مرتضیٰ جاوید عباسی ، سردار مہتاب احمد خان عباسی، ڈاکٹر آصف کرمانی،سرانجام خان ، سینیٹر نزہت صادق، سینیٹر بیگم نجمہ حمید، سینیٹر پرویز رشید، گودی مریم نواز شریف، کیپٹن (ر) محمد صفدر، پیر صابر شاہ ، جعفر اقبال، بیگم عشرت اشرف، صدیق الفاروق، رحمت سلام خٹک ، میاں راشد علی شاہ و شیرزمان ٹکر ئسک ساڑی ئسر۔
