کولیشن سپورٹ فنڈ پروگرام نا رداٹ امداد ءِ توننگ امریکہ نا حق اٹی جوان مفک، سی پیک نا رداٹ 46ارب ڈالر نا زرکاری آن ملک اٹی روزگار نا وارخواہیک ودرہ بنجائی وزیر ریاستیں و سیمی امور عبدالقادر بلوچ نا میڈیا تون ہیت وگپ

کولیشن سپورٹ فنڈ پروگرام نا رداٹ امداد ءِ توننگ امریکہ نا حق اٹی جوان مفک، سی پیک نا رداٹ 46ارب ڈالر نا زرکاری آن ملک اٹی روزگار نا وارخواہیک ودرہ بنجائی وزیر ریاستیں و سیمی امور عبدالقادر بلوچ نا میڈیا تون ہیت وگپ

اسلام آباد (پاکستان نیوز پوائنٹ 05 اگست 2016ء) بنجائی وزیر ریاستیں و سیمی امور عبدالقادر بلوچ پارینے کہ پاکستان کن کولیشن سپورٹ فنڈ پروگرام نا رداٹ امداد ءِ توننگ امریکہ نا حق اٹی جوان مفک، سی پیک نا رداٹ 46ارب ڈالر نا زرکاری آن ملک اٹی روزگار نا وارخواہیک ودرہ و معیشت شون ہلیک۔ جمعہ آ پارلیمنٹ ہاؤس نا پیشن میڈیا تون ہیت وگپ نا وخت آ اوپارے کہ پاکستان دہشت گردی نا برخلاف جنگ اٹی امریکہ نا اتحادی ءِ ، ننا گل زمین اسہ ملک اسے نا ہم برخلاف استعمال مفننگ ءِ بلکن دہشت گردی نا خاتمہ کن آپریشن ضرب عضب آن بھلو سرسہبی دوئی مسنے۔

اوپارے کہ حق آتیان اسہ پلو مرسا ڈومور ناخواست درست اف۔ پاکستان کن کولیشن سپورٹ فنڈ پروگرام نا رداٹ امداد ءِ بند کننگ امریکہ نا حق اٹی ہم جوان مفک۔ اوپارے کہ سی پیک ڈٹ آن ملک اٹی گچین روزگار نا وارخواہیک ودرہ و ملکی معیشت شون ہلیک۔ اوپارے کہ داوخت ملک دھرنہ غاتا گواچی مننگ کپک ، دھرنہ غاک سی پیک ءِ توننگ کن اسہ بھلو سازش اسے۔ حکومت پارے کہ نن پانامہ نا بابت ہر فورم آ ہِننگ کن تیار اُن اسہ دوبہ اسے ہلسا شون نا کسر ءِ توننگ سہی اف۔ اسہ سوج اسے نا ورندی ٹی اوپارے کہ فاٹا نا تعلیمی ادارہ غاتا فنڈز انا گدریفنگ نا بابت خبرآک بے بنداو ءُ ۔ فاٹا نا غٹ تعلیمی ادارہ گاتے مست آمبار فنڈز تننگ انگ ءِ۔