اسلام آباد (پاکستان نیوز پوائنٹ 05 اگست 2016ء) بین الاقوامی حالیت آتا چاہندار ڈاکٹر ماریہ سلطان پارینے کہ پاکستان اسہ ایٹمی واک اسے بھارت اوڑا زور شاغنگ کپک۔ ریڈیو پاکستان تون ہیت و گپ کرسا اوپارے کہ سارک ملک آتا تنظیم ڈیہہ نا تین پہ تینی ویل آتا ایسری کن جوڑ کننگاسس۔ اوپارے کہ بھارت ہمیش آن تنظیم ءِ تینا رداٹ چلیفنگ نا کوشست کرسا بننگ ءِ واہم پاکستان نا ساڑی گری ٹی داوڑ مننگ کپک۔
ماریہ سلطان پارے کہ پاکستان بھارت تون غٹ ویل آتے مذاکرات نا کمک اٹ ایسر کننگ نا خواہش مند ءِ واہم بھارت داچرجوئی ٹی وخت اس ہم مثبت پیش رفت اس نشان تتو۔ اوپارے کہ ہڑتوم آ ملک آک و ڈیہہ نا شونہالی کن غٹ دیرینہ ویل آتیا مذاکرات کروئی مرے۔ کشمیر نا بابت چست کروک آ سوج انا ورندی ءِ ترسا اوپارے کہ بھارت واک انا کمک اٹ جوزہ حریت ءِ توننگ کپک، پاکستان ءِ مرے کہ او دنیا نا مون آ بھارت نا اصل چہرہ ءِ پاش کے۔
