برو ک آ سال 10ہزارمیگاواٹ بجلی نیشنل گریڈ اٹی اوار کننگک، پیر صابر شاہ

برو ک آ سال 10ہزارمیگاواٹ بجلی نیشنل گریڈ اٹی اوار کننگک، پیر صابر شاہ

اسلام آباد (پاکستان نیوز پوائنٹ 05 اگست 2016ء) پاکستان مسلم لیگ(ن) نا راہشون پیر صابر شاہ پارینے کہ بروک آ سال 10ہزار میگاواٹ بجلی نیشنل گریڈ اٹی اوار کننگک۔ ریڈیو پاکستان تون ہیت وگپ کرسا اوپارے کہ مسکوہی ٹی پاکستان دہشت گردی و توانائی تنکی ٹی بے وڑ پیڑنگوک ئس۔ صنعت آتا براحال ئس و الس 18گھنٹہ نا لوڈشیڈنگ نا سوب روڈ آتیا برانز کننگ نا بیوس ئسر۔

اوپارے کہ پاکستان مسلم لیگ (ن) نا ساڑی آ حکومت برسراقتدار اٹی بننگ تون ہی توانائی پروجیکٹس آتیا کاریم نا بناءِ کرے و دااونا اولین اولیت ئس کہ توانائی تنکی نا مون ءِ توننگے۔ اوپارے کہ ساڑی آحکومت لوڈشیڈنگ نا چٹفنگ کن 2018 ء نا ہدف ءِ مقرر کرینے۔ پیر صابر شاہ پارے کہ مسلم لیگ (ن) نا حکومت ملکی معیشت ءِ شون تننگ کن گچین اقتصادی پالیسی مرتب کننگ ءِ وپاک چین اقتصادی راہداری ڈٹ ہم دا چرجوئی نا اسہ کڑی اسے۔