کوئٹہ(پاکستان نیوز پوائنٹ 04 اگست 2016ء) ) گورنر بلوچستان محمد خان اچکزئی ءَ پنت ءُُ شون کرتگ انت کہ صوبہ ءَ گریب ءُُ پد منتگی ءِ ھلاسی ءِ ھاتر ءَ بینظیر انکم سپورٹ پروگرام ءَ پورا سنجیدگی ءِ گوں درستیں صوبہ ءِ گریبی ءُُ نا دار مردم آنی گِس ءِ در ءَ سر کنگ ءِ ھاتر ءَ سر جمی ءَ گام گیج بہ کنت۔ بی آئی ایس پی ءِ 2010ءِ سروے ءِ کجام ھق دار آنی نشاندگی کرتگ انت آھاں تنے وھدے معاشی کمک ءَ محرومی ءِ تشویش ءِ درشانی کنگ ءَ گورنر بلوچستان ءَ ہمگرنچ ذمہ وار آں زور داتگ کہ بی آئی ایس پی ءِ لڑ ءَ درج بوؤکیں 4لکھ 49ہزار ھق دار آں زوت ءَ چہ زوت معاشی کمک سر بہ کن انت۔
اے ھیال آنی درشانی آئی ءَ پنچ شمبے ءَ بینظیر انکم سپورت پروگرام ءِ ڈی جی عبدالمالک درانی ءُُ ڈائر عبدالرؤف ءِ گوں گپ ءُُ تران کنگ ءَ کرتگ۔ گورنر بلوچستان ءَ گشتگ کہ صوبہ ءِ بے روزگار مردم آں روزگار ءِ موہ دئیگ ءُُ ورنا آں دومی ءِ معاشی محتاجی ءَ دور کنگ ءِ ھاتر ءَ مائیکرو فنانسنگ ءُُ تکنیکی وانگ ءِ دیمروی ءِ سرا دیان دئیگ ءِ سک ضلورت انت۔
گورنر بلوچستان ءَ بینظیر انکم سپورگرام بلوچستان ءَ چار سد ءَ چہ زیات آسامی ءِ تعیناتی ءِ سرا عمل کنگ ءِ زور دئیگ ءَ گشتگ کہ ایشی ءَ نہ الما ادارگ ءِ کرد شر بیت بلکں ھق دار آں معاشی کمک سر کنگ ءِ کار ہم فعال ءُُ شر بیت۔ آئی ءَ گشتگ کہ بینظیر انکم سپورٹ پروگرام ءِ ارزشت ءُُ افادیت ءِ ھوالہ ءَ اُلس ءَ شعور آگاہی ءِ مہم چلائینگ ءُُ دِگہ ھق دار آں سہی نشاندگی کنگ ءِ ھوالہ ءَ گچین بلدیاتی نمائندگ آں سرجمی ءَ راھشونی گپت کن انت۔ اے موہ ءَ پرنسپل سیکرٹر ی ٹو گورنر عبدالجبار ہم ھوار ات۔
