پاکستان نا شرکاری، بد عنوانی ءُُ منظم جرائم ءَ دور بوھگ ءِ ھاتر ءَ سارک ءِ باسک ملک آں گوں یک جاہ کار کنگ ءِ ھاتر ءَ سرجمی ءَ ازم داریت، آپریشن ضرب عضب ءُُ نیشنل ایکشن پلان ءِ سرا شریں عمل کنگ ءِ ذریعہ ءَ نا شرکاری ءِ ھلاپ شریں سر سوبی رستگ انت

مزن وزیر محمد نواز شریف ءِ ہفتمی سارک وزیر داخلہ کانفرنس ءِ افتتاحی نشست ءَ تران

پاکستان نا شرکاری، بد عنوانی ءُُ منظم جرائم ءَ دور بوھگ ءِ ھاتر ءَ سارک ءِ باسک ملک آں گوں یک جاہ کار کنگ ءِ ھاتر ءَ سرجمی ءَ ازم داریت، آپریشن ضرب عضب ءُُ نیشنل ایکشن پلان ءِ سرا شریں عمل کنگ ءِ ذریعہ ءَ نا شرکاری ءِ ھلاپ شریں سر سوبی رستگ انت
مزن وزیر محمد نواز شریف ءِ ہفتمی سارک وزیر داخلہ کانفرنس ءِ افتتاحی نشست ءَ تران

اسلام آباد(پاکستان نیوز پوائنٹ 04 اگست 2016ء) مزن وزیر محمد نواز شریف ءَ گشتگ انتکہ پاکستان نا شرکاری ، بد عنوانی ءُُ منظم جرائم ءَ دور بوھگ ءِ ھاتر ءَ سارک ءِ باسک ملک آں یکجا کار کنگ ءِ ھاتر ءَ سرجمی ءَ ازم داریت۔ آپریشن ضرب عضب ءُُ نیشنل ایکشن پلان ءِ سرا شری ءَ عمل کنگ ءِ ذریعہ ءَ نا شرکاری ءِ ھلاپ شریں سر سوبی گپتگ انت۔ خطہ ءَ دیمروی ءُُ وشحالی ءِ ھاتر ءَ مواصلاتی رابطہ المی انت۔

آئی ءَ اے گپ پنچ شمبے ءَ جنوبی ایشیائی ملک آنی دمگی تنظیم سارک ءِ ہفتمی وزیر تہی کانفرنس ءِ افتتاحی نشست ءَ تراکنگ ءَ کرتگ۔ مزن وزیر ءَ گشتگ کہ اے وژن اے سال نومبر ءَ پاکستان ءِ میزبانی ءَ بوؤکیں 19می سارک سمٹ ءِ ایجنڈا ءَ کمک بیت۔ مزن وزیر ءَ سارک وزیر تہی ءَ گشتگ کہ بنجاہی پڑ ءَ پاکستان ءَ آپریشن ضرب عضب ءُُ نیشنل اکشن پلان ءِ سرا شریں عمل کنگ ءِ ذریعہ ءَ نا شرکاری ءِ ھلاپ شریں سر سوبی رستگ انت۔

اے سر سوبی وتی ڈگار ءَ نا شرکاری ءِ لعنت ءِ ھلاسی ءِ ھاتر ءَ حکومتی ازم ءِ غماز انت۔ مزن وزیر ءَ گشتگ کہ چیلنج آں ابید سارک ءَ جنوبی ایشیا ءَ دمگی ہم آہنگی ءِ مقصد پجارینگ ءَ قابل ستا کرد پیش کرتگ انت۔ پدتنظیم ءَ زیات شر ءُُ فعال جوڑ کنگ ءِ ھاتر ءَ حکومت ءُُ سارک ادارگ ءِ ھاتر ءَ المی انت کہ آ تنظیم زیات پائدگی جوڑ کنگ ءِ ھاتر ءَ شریں کوشست بہ کن انت۔

مزن وزیر ءَ گشتگ کہ سارک ءِ خطہ انسانی ءُُ قدرتی وسیلگ ءَ پر انت وتی اُلس ءِ امن ءُُ وشحالی ءِ ھاتر ءَ دمگی زانتکاری ءَ سرجمیں وڑ ءَ کار مرز کنگ ءِ ھاتر ءَ یک پلیٹ فارم دئیگ ءِ ضلورت انت۔ مزن وزیر ءَ گشتگ کہ اے وریں اپروچ دیمروی ءُُ پر امن ہمسائیگی ءِ ھاتر ءَ مئے حکومت ءِ امن ءِ وژن ءَ ہم ااہنگ انت۔ آئی ءَ گشتگ کہ پاکستان سارک ءَ اے منشور ءَ بیان کرتگیں مکسد ءَ آگاہ زیات کنگ ءِ ھاتر ءَ سارک ءِ نیمگ ءَ زرتگیں گام گیج ءِ حامی انت۔

پاکستان سمجھیت کہ خطہ ءِ دیمروی ءُُ وشحالی ءِ ھاتر ءَ مواصلاتی رابطہ المی انت۔ ءُُ آ خطہ ءِ تہا شاہرگ ، فضائی، ریل ءُُ ٓٓبی رابطہ ءِ اصولی حمایت کنت۔ آئی ءَ گشتگ کہ سارک ءَ خطہ ءَ چاگردی ءُُ اقتصادی دیمروی ءِ ھاتر ءَ دلچسپی ءِ حامل ملک آں گوں رابطہ ءَ شریں پڑ ءَ بروبر کنگ لوٹیت۔ آئی ءَ گشتگ کہ سارک چارٹر ءَ بیان کرتگیں مکسد ءُُ ہدف پجارینگ مئے اجتماعی ذمہ واری انت۔

امیت کن انت کہ دیوانءَ کرتگیں پیسلہ باسک ملک آنی نیام ءَ کمک زیات کنگ ءَ مئے کوشست ءِ دراجی دنت ۔ مزن وزیر ءَ گشتگ کہ دمگ ءَ امن، آجوئی، چاگردی انساپ ءُُ اقتصادی وشحالی آرگ ءِ ھاتر ءَ کساس سے دہائی دیما سارک ءِ وجود بوتگ۔ ۔ دیما سارک سیکرٹری جنرل ارجن بہادر تھاپا ءَ وتی گپ آں گشتگ کہ نارکو ٹسک ، نا شرکاری، سائبر جرائم ءُُ دومی میاں استمانی جرائم آں دو چار ءِ ھاتر ءَ شریں گام گیج ءِ ضلورت انت۔ آئی ءَ گشتگ کہ سارک ہر وڑیں ان شراکری ءِ زار شانی کنت۔ اے لعنت ءِ انسداد ءِ ھاتر ءَ باسک ملک اانی نیام ءَ شریں کمک درکار انت سیکرٹری جنرل ءَ گشتگ کہ ہفتمی سارک دیوان گوستگیں دیوان آں کرتگیں پیسلہ آنی سرا پیشرفت ءِ چار ءُُ تپاس گرگ بیت۔